Barchaga ma'lumki, joriy yilning 22-dekabr kuni mamlakatimizda Qonunchilik palatasi, xalq deputatlari viloyat, tuman va shahar kengashlariga bo‘lib o‘tadi. Ayni paytda yilning eng muhim siyosiy voqeasi bo‘lgan saylovlarga tayyorgarlik jarayoni bormoqda bo‘lib, joylarda Saylov kodeksidagi yangiliklar haqida turli tadbirlar o‘tkazilmoqda hamda ularda BuxDU o‘qituvchi va talabalari ham faol ishtirok etishmoqda.7-dekabr kuni universitet kichik majlislar zalida O‘zbekiston Respublikasi Markaziy Saylov Komissiyasi hamda Yevropada Xavfsizlik va Hamkorlik Tashkiloti tomonidan tashkil etilgan seminar-trening bo‘lib o‘tdi. Seminar-treningda saylovlar jarayonida xalqaro tashkilotlar va kuzatuvchilar bilan hamkorlik qilish bo‘yicha vazirlik, tashlilot, OAV vakillari, shuningdek BuxDU prorektori A. Jo‘rayev, Tarix va madaniy meros fakulteti dekani v.b. J. Jo‘rayev hamda 10 nafardan ortiq o‘qituvchilar ishtirok etishdi. Markaziy Saylov Komissiyasi bo‘lim boshlig‘i Farhod Nasriddinov Qonunchilik palatasi, xalq deputatlari viloyat, tuman va shahar kengashlariga saylovlar tartibidagi yangiliklar xususida ma'lumot berdi. YXHT ekspertlari Doyna Bordeyanu va Vadim Motsarkiylar esa saylovlar o‘tkazishdagi xalqaro tajriba, me'yoriy-huquqiy normativlar, xalqaro standartlar haqida ma'lumot berishdi. Seminar-trening ancha ishchan ruhda o‘tganligi, saylovlarga doir ko‘plab savol-javoblar muhokama qilinganligi respublikamizda saylovlar jarayoni yuqori saviyada o‘tkazilishidan dalolat bermoqda.
