2019-yil 13-aprel kuni Buxoro davlat universiteti Iqtisodiyot va turizm fakulteti Xizmatlar sohasi yo’nalishi 3-1XS-16 va 3-2XS-16 guruh talabalari hamda Servis sohasi iqtisodiyoti kafedrasi katta o’qituvchisi N.O’.Maxmudova boshchiligida mos ravishda 1- va 2- juftlik darslari jarayonida “Turistlarga ekskursiya xizmatlarini ko’rsatish” bo’yicha amaliy dars Buxoroning turistik hududi hisoblangan Eski Shahar qismida ekskursiya shakllantirildi. Harakatlanish marshruti: Lyabi- Havuz majmuasi, Magoki Attori majmuasi, Timi Abdullaxon, Toqi Sarrofon, Toqi Telpakfurushon, Toqi Zargaron, Ulug’bek madrasasi, Abdulazizxon madrasasi, Poyi Kalon ansambli, Bolo havuz majmuasi, Somoniylar maqbarasidan iborat. Dastlab ekskursiyani o’tkazish tartiblari talabalarga tanishtirildi hamda Lyabi-Havuz majmuasiga Maxmudova N.O’. tomonidan ekskursiya namuna sifatida o’tkazildi.Talabalar amalda qanday tashkil etilishini master klassda guvohi bo’lishdi. So’ngra talabalar tomonidan oldindan tayyorlangan marshrut bo’yicha ekskursiyalar shakllantirildi. Ekskursiyalar matni turistik ob’yektlarning xususiyati, tarixi, qayta ta’mirlanish, ob’yekt faoliyati, tarixi bilan bog’liq rivoyatlar bilan boyitildi. Talabalar sinchkovlik bilan ekskursiya matnini tinglab, uni o’tkazish texnologiyasi kuzatib,undagi jarayonlarni kuzatib, qiziqtirgan barcha savollariga javob olib, ekskursiyani tashkil etish jarayoni haqida chuqur bilimga ega bo’lishdi.
