Yaqindagina universitetimizga Rossiya Federatsiyasining Oltoy davlat pedagogika universiteti rektori Irina Lazarenko tashrif buyurgan hamda o‘zaro hamkorlik shartnomasi imzolangan edi. Hamkorlik shartnomasi qo‘shma tadqiqotlar, xalqaro loyihalarda ishtirok etish, qo‘shma o‘quv dasturlarini ishlab chiqish, o‘qituvchi hamda talaba almashinuvini tashkil etish, magistrantlar uchun ilmiy amaliyotlarni, aspirant va doktorantlarning stajirovkalarini tashkil etishni qamrab oladi.Jismoniy madaniyat fakulteti dekani Bahodir Mamurov Rossiya Federatsiyasi OTMlariga xizmat safari doirasida Oltoy davlat pedagogika universitetida 2-5 oktabr kunlari bo‘lib o‘tgan "O‘zbekiston kunlari" tadbirida ishtirok etdi. Tadbirlar dasturiga kiritilgan "Rossiya - O‘zbekiston: hamkorlik istiqbollari" davra suhbatida so‘zga chiqqan B.Mamurov BuxDU va ODPU o‘rtasidagi aloqalarda asosiy yo‘nalishlar haqida fikr bildirib o‘tdi. ODPU rahbariyatiga universitetimiz nomidan esdalik sovg‘alari topshirildi.
