O‘zbekiston Respublikasi Prezidentining “Yoshlarni ma’naviy yuksaltirish va bo‘sh vaqtlarni mazmunli tashkil etish to‘g‘risida”gi 5 muhim tashabbusi doirasida yoshlar ma’naviyatini yuksaltirish, ular o‘rtasida musiqa, rassomlik, adabiyot, teatr va san’atning boshqa turlariga qiziqishlarini oshirish, iste’dodini yuzaga chiqarish bo‘yicha Buxoro davlat universitetida targ‘ibot ishlari davom etmoqda. Joriy yilning 13 sentyabrь kuni BuxDU tuzilmasidagi “Qatag‘on qurbonlari xotirasi” muzeyi va Sa’atshunoslik fakulьteti hamkorligida buxorolik mashhur miniatyurachi Jahongir Ashurov bilan ijodiy uchrashuv tashkil qilindi. O‘zbek miniatyura ustasi Jahongir Ashurov 1974 yilda Buxoroda tug‘ilgan. Toshkentdagi Benkov nomidagi bilim yurtini (Respublika Rassomlik kolleji) tugatgandan so‘ng, miniatyura ustalari Shomahmud Muhammadjonov va Faxriddin Rahmatullaevning qo‘l ostida ushbu san’at sirlarini o‘rgana boshladi. 2014 - 2019 yillarda J. Ashurov Istanbul Fatih Sultan Mehmed Vaqif Universitetida (Turkiya) o‘qigan.Hozirda Turkiyaning Fatih Sultan Mehmed Vaqif Universitetida miniatyura san’atidan saboq berib, ijod qilib kelayotgan Jahongir Ashurovning asarlari O‘rta Osiyoning bir qancha shaharlari, Amerika va Yevropaning nufuzli galereyalarida ko‘rgazmaga qo‘yilgan. Asarlari Britaniya Muzeyi, Viktoriya va Albert Muzeyida, Yevropa, Turkiya va Mo‘g‘ulistondagi ko‘plab shaxsiy kolleksiyalardan o‘rin olgandir.Ijodkorning shaxsiy ko‘rgazmalarilari ham chet ellarda namoyish qilib kelinmoqda. Jumladan:1995 y. Qo‘shma ko‘rgazma, “YUNESKOning 50 yilligi”, Toshkent/O‘zbekiston; 2001 avgust. Qo‘shma ko‘rgazma, O‘zbekiston Madaniyatini Tanishtirish Festivali, Bonn/Germaniya;2002 iyul. Qo‘shma ko‘rgazma “Art in action”, Oksford/Buyuk Britaniya;2004 noyabr. Miniatyura san’ati kursi, Viktoria va Albert Muzeyi, London/Buyuk Britaniya;2004 noyabr. “Crafts for Christmass” Fesivali, Birmingem/Buyuk Britaniya;2007 yil. “Alisher Navoiyning 30 g‘azali uchun 30 miniatyura” miniatyura kitobi, Georama nashriyoti Brest/Fransiya;2009 noyabr. SHaxsiy ko‘rgazma, YUlduz Saroyi, Istanbul/Turkiya;2009 y. SHaxsiy ko‘rgazma, Santa Fe Art, Santa Fe/AQSH;2012 oktyabr. Qo‘shma ko‘rgazma. “Jazoir Xalqaro Tazhib va Miniatyura Festivali”. Tlemsen/Jazoir (Buxoro miniatyura uslubi haqida seminar master klass ko‘rsatish);2013 noyabr-dekabr. SHaxsiy ko‘rgazma, “O‘zbekistondan miniatyura shabadalari” YAngi Jom’e Qunkar Qasri, Istanbul Tijorat Markazi. Istanbul/Turkiya;2014 y. “Dede Korkut Devori Monunente”, (hamkorlikda ishlangan) Eskishehir/Turkiya;2014 y. Fevral-mart. SHaxsiy ko‘rgazma, Marmara Universiteti Rektorligi Galereyasi, Istanbul/Turkiya;2014 may. SHaxsiy ko‘rgazma, “Geleneg’in aynasindan yansiyan isik”. Anqara Rasm va haykal muzeyi, Turkiya;2016 aprel. DCA Opening Ceremony/Amerika Din Ishlari Merkazi Ochilishi. | Visual Storytelling: Islamic Miniatures. 9704 Good Luck Road. Lanham MD. Washngton;2017 aprel-may. SHaxsiy ko‘rgazma. “IREM”. Zaytunburni Madaniyat va San’at markazi. Turkiya ; 2018 yanvar. Qo‘shma ko‘rgazma. (Abru: Melika Kazaz, miniatyura: J. Ashurov) “Buxorodan Istanbulga turk motivlari”. Abru va miniatyura ko‘rgazmasi. Mehmet Akif Ersoy madaniyat markazi. Pendik, Istanbul/ Turkiya;2018 aprel. SHaxsiy ko‘rgazma. “Masnaviydan hikoyalar”. Yeditepe Bienali. Yeni Jamii Hunkar qasri;2019 may. Qo‘shma ko‘rgazma. “RAMART PLATFORM 2019”. Turk va Islom asarlari muzeyi, Sultanahmet “FECR” ko’rgazmasi. Turkiya. (“Nuh” asari bilan. Master klass);2019 iyun. “Zamon oshgan madaniyat : O‘zbekiston”. Simpozium va ko‘rgazma. Bahoriya Mavlaviyxonasi. Ayubsulton/ Istanbul;2019 sentyabr. “Zamon oshgan madaniyat: O‘zbekiston”. Simpozium va ko‘rgazma. O‘zbekiston Tasviriy San’at Galereyasi. Toshkent/O‘zbekiston.Ashurov qalamiga mansub miniatyura asrlari kataloglari ham chop etilgan. 2007 yil “Alisher Navoiyning 30 g‘azali uchun 30 miniatyura” kitobi, Fransiyada,“IREM” nomi ostida 2017 yilda Turkiyada, 2018 yil “Buxorodan Istanbulga turk motivlari” nomi ostida arbu bahor asarlari to‘plami (Turkiya) chop etilgan.Miniatyurachining chet ellardagi ko'rgazmalariMiniatyurachining ijod namunalari:BuxDU San’atshunoslik fakulteti 1-kurs talabalari o‘zlari qiziqtirgan savollar bilan urashuvda qizg‘in ishtirok etdilar. J. Ashurov bilan “Ustoz-shogird” masalalariga doir hamkorlikka kelishib olindi. Asosiy maqsad - BuxDUda “An’anaviy Buxoro miniatyura san’ati maktabi”ni tashkil etishdan iboratligi uqtirildi. Kelajakda BuxDUda 500 yillik tarixga ega Buxoro miniatyura san’ati maktabi qayta tashkil topadi degan umiddamiz.BuxDU Matbuot kotibi Otabek Jalolov
