Mamlakatimiz mustaqilligining yigirma sakkiz yillik bayramini munosib nishonlashga tayyorgarlik koʼrish, xalqimiz orasida milliy qadriyatlarimizga xos boʼlgan oʼzaro mehr-oqibat va hamjihatlikni yanada kuchaytirish, mahallalar, aholi turar-joylarini obodonlashtirish maqsadida oʼtkazilayotgan ikki kunlik umumxalq hasharida Buxoro davlat universitetining koʼp sonli professor-oʼqituvchi, ishchi va xodimlaridan iborat jamoasi ham faol ishtirok etishmoqda.Oʼquv binosining tashqi va ichki tomonlarida tozalik va taʼmirlash ishlari olib borilmoqda. Buxoro davlat universiteti xududida 300 nafardan ortiq xodimlar va professor-oʼqituvchilar hamda talaba-yoshlar ishtirokida xududlar begona oʼtlardan, daraxtlarning ortiqcha shox-shabbalaridan tozalandi, yoʼlak chetlari(bordyur) hamda daraxtlar oqlandi, yerlar yumshatilib yangidan gul qoʼchatlari oʼtkazildi.Ekin yer maydonlarida yumshatish hamda daraxtlarga shakl berish ishlari amalga oshirilmoqda. 550 dan ziyod manzarali va mevali daraxtlarga shakl berildi va oqlandi. 5100 dan ziyod gullar parvarish qilinmoqda.
