2019-yilning 4-may kuni “9 may – Xotira va qadrlash kuni” munosabati bilan O‘zbekiston Respublikasi Prezidenti “Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi qaroriga asosan Buxoro davlat universiteti yoshlar kafesida “Inson- aziz, xotirasi- muqaddas” nomli tadbir bo’lib o’tdi. Tadbirni musiqa sadosi ostida urush, mehnat faxriylari va mehmonlarga yuksak hurmat ko’rsatilib, mumtoz qo’shiqlar jo’rligida tashkil etildi.Xotira va qadrlash kuni mustaqil O’zbekistonimizda o’tganlar ruhini yodga olish bilan birga butun umrini el-yurt xizmatiga baxshida etgan mo’tabar qariyalar, mehnat faxriylari, bir so’z bilan aytganda, insonni qadrlash, e’zozlash ayyomiga ham aylantirildi. Buxoro davlat universitetida ko’p yillar samarali faoliyat olib borgan va bugungi kunlarga yetib kelolmagan ustozlar nomlari yana bir bor yod olindi. Tadbirda mehmonlar dasturxoniga osh tortildi.
