Xabar qilganimizdek bugun Buxoro davlat universiteti kichik majlislar zalida Buxoro davlat universiteti va Tojikiston Respublikasi Fanlar akademiyasi iqtisodiyot va demografiya instituti, Rossiya-Tojikiston (slavyan) universiteti hamda S.Ayniy nomidagi Tojikiston davlat pedagogika universitetlari bilan hamkorlikda “Markaziy Osiyo mamlakatlarida turizmning taraqqiy etishi-hudud aholisining ijtimoiy-iqtisodiy va madaniy taraqqiyoti rivojlanishining omili sifatida” deb nomlangan xalqaro ilmiy-amaliy seminar bo‘lib o‘tdi.Seminarda Tojikiston Respublikasi Fanlar akademiyasi iqtisodiyot va demografiya instituti direktor o`rinbosari A.B.Mirsaidov “Mintaqani rivojlantirishda turistik resurslar omil sifatida” mavzusida, Rossiya-Tojikiston (slavyan) universiteti professori S.D.Komilov “Turistik xizmatlarni targ`ibot qilishda turistik axborot markazining o`rni” mavzusida chiqish qilishdi.Shuningdek, Buxoro davlat universiteti Turizm kafedrasi professor-o`qituvchilari, jumladan i.f.n., dotsent H.R.Hamroyev, i.f.n., tayanch doktorant N.S.Ibragimov, tayanch doktorant O.X.Azimov, i.f.n., dotsent S.S. Ro`ziyev va i.f.n., dotsent S.U.Tadjiyevalar ham seminarda dolzarb mavzulari bilan qatnashdilar. Tadbirda faol ishtirok etgan Turizm kafedrasi magistrant va talabalari o`zlarini qiziqtirgan savollarga ham javob topishdi. Ilmiy-amaliy seminar xulosa va tavsiyalar orqali yakun topdi.Mannon OtaboyBuxDU matbuot kotibi
