Xodimlarni shu kunlari ish beruvchining farmoyishi boʼyicha ishga jalb etishga faqatgina jamoa shartnomasida, agar u tuzilmagan boʼlsa, – ish beruvchi tomonidan kasaba uyushmasi qoʼmitasi yoki xodimlarning boshqa vakillik organi bilan kelishib belgilangan asoslar boʼyicha yoʼl qoʼyiladi. Ishlab chiqarish-texnika sharoitlari va boshqa sharoitlarga koʼra ishni toʼxtatib turish mumkin boʼlmagan joylarda, aholiga xizmat koʼrsatish zarurati boʼlgan ishlarda, shuningdek kechiktirib boʼlmaydigan taʼmirlash va yuk ortish-tushirish ishlarida bayram (ishlanmaydigan) kunlari ishlashga yoʼl qoʼyiladi. Dam olish kunlari va bayram kunlaridagi ishlar uchun kamida ikki hissa miqdorida haq toʼlanadi. Manba: https://t.me/huquqiyaxborot
