Kun yangiliklariBuxoro davlat universiteti vakili, Jismoniy madaniyat fakulteti dekani Bahodir Ma’murov 10-17-aprel kunlari Polshaning Chestexova shahrida bo‘lib qaytdi.Safardan ko‘zlangan maqsad BuxDU va Polshaning oliy ta’lim muassasalari o‘rtasida ilmiy-uslubiy hamkorlik masalalarini muhokama qilish, shu asosda hamkorlik memorandumlarini imzolash hamda “II International scientific congress SMART SOCIETY 2019” kongressida ishtirok etish edi.Kongress tugagach Bahodir Ma’murov Polshaning Poloniya universiteti rektori bilan uchrashdi. Uchrashuvda Buxoro davlat universiteti taqdimotini ham o‘tkazdi. Shundan so‘ng BuxDU vakili ikki oliygoh o‘rtasida memorandum imzolashni taklif qildi. O‘zbekistonlik mehmon Poloniya universiteti fakultetlari va kafedralari faoliyati bilan ham tanishtirildi.Uchrashuv davomida ingliz tili va iqtisodiyot ta’lim yo‘nalishlari bo‘yicha qo‘shma ta’lim dasturlarini amalga oshirish masalalari muhokama markazida bo‘ldi. BuxDUda polyak tilini o‘rgatish markazini ochishga kelishib olindi. Yakuniy kelishuvlarni imzolash uchun may oyida Poloniya universiteti rektori boshchiligidagi delegatsiya Buxoroi sharifga tashrif buyuradi.Bundan tashqari Bahodir Ma’murov Ukraina va Latviya OTMlari bilan ham uchrashuvlar o‘tkazib, kelgusidagi hamkorlik istiqbollari bo‘yicha muzokaralar ham olib bordi. Ayniqsa, Vadim Getman nomidagi Kiyev milliy iqtisodiyot universiteti, Latviyaning Rezekne texnologiya akademiyasi bilan hamkorlik ishlari rejalashtirildi. Mannon OtaboyBuxDU matbuot kotibi
