Buxoro davlat universitetida O‘zbekiston milliy tiklanish demokratik partiyasi Buxoro viloyat kengashi bilan hamkorlikda Prezidentimizning “Yuqumli bo‘lmagan kasalliklarning profilaktikasini, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida”gi qarori ijrosini ta’minlash maqsadida “Jismoniy va ruhiy barkamollik sari!” mavzusida sog‘lomlashtirish aksiyasi o‘tkazildi.Mazkur qarorda davlat organlari va tashkilotlarida ish kuni davomida ishlab chiqarish gimnastikasi mashqlari, haftasiga kamida bir marotaba xodimlarning sport ommaviy tadbirlarida ishtirok etishi nazarda tutiladi. Muntazam ravishda xodimlar ommaviylashgan sport turlari bo‘yicha musobaqalar va boshqa jismoniy tarbiya ommaviy tadbirlar o‘tkazib borilishini amaliyotga joriy etish belgilab qo‘yilgan.Shu munosabat bilan universitet professor-o‘qituvchilari, ishchi xizmatlari bepul tibbiy ko‘rikdan o‘tkazildi. Bu borada Buxoro shahar tibbiyot birlashmasi jamoasi beminnat xizmat ko‘rsatdi.Shuningdek, sog‘lomlashtirish aksiyasi doirasida tibbiy ko‘rikdan tashqari talabalar o‘rtasida sportning basketbol, voleybol, badiiy gimnastika, masofa bo‘ylab yugurish hamda arqon tortish turlari bo‘yicha ham sport musobaqalari tashkil etildi.Tadbir so‘ngida sog‘lomlashtirish aksiyasining faol ishtirokchilariga “Milliy tiklanish” demokratik partiyasi Buxoro viloyat Kengashining esdalik sovg‘alari topshirildi.BuxDU matbuot kotibiMannon Otaboy
