Kecha 20:00da Buxoro davlat universiteti Maktabgacha va Boshlang'ich ta'lim fakulteti yoshlar bilan ishlash bo'yicha dekan o'rinbosari O.N.Safarova, kafedra dotsenti B.Jamilova boshchiliklarida Talabalar yotoqxonasining 4-binosida istiqomat qiluvchi talabalar bilan Prezidentimiz tashabbuslaridan kelib chiqib, o'quvchi-talabalar ma'naviyatini yuksaltirish, ular o'rtasida kitobxonlikni keng targ'ib qilish maqsadida "Kitobxonlik kechasi" va davra suhabati o'tkazildi.Suhbat davomida Maktabgacha va Boshlang'ich ta'lim fakulteti o`qituvchisi Abdiyeva Zilola Boshlang'ich sinflarda "Matematik tasavvurlarni shakllantirishda innovatsion texnologiyalardan foydalanish imkoniyatlari" to'g'risidagi o'zining matematikaga oid yangicha loyihasining prezentatsiyasini ham o`tkazdi. Maktabgacha va Boshlang'ich ta'lim fakulteti dekani B.J.Umarov talabalar yashash sharoitlarini yana bir marotoba o'rganib, 5 ta tashabbus bo`yicha o'quvchi va talaba qizlarni ish bilan ta'minlash ishlarini tizimli tashkil etish masalalari yuzasidan amalga oshirilishi ko'zda tutilgan bir qator loyihalar rejalashtirilgani ta`kidladi. Shuningdek, talabalardan oshxona va gigiyena xonalarining tozaligini nazorat qilib borish so`raldi. Tadbirda BuxDU Yoshlar yetakchisi F.F.Nurullayev va bir qator ishchi guruh a'zolari ishtirok etdi.Mannon Otaboy BuxDU matbuot kotibi
