Buxoro davlat universitetida Musiqa ta’limi kafedrasi detsenti, pedagogika fanlari nomzodi Do‘stov Sanoqul Do‘stovichning 80-yilligiga bag‘ishlab “Buxoro shashmaqomi: tarixiy-nazariy va amaliy masalalari” mavzusida Respublika ilmiy-amaliy konferensiyasi bo‘lib o‘tdi.Unda universitet o‘qituvchi va talabalaridan tashqari respublikamizning turli Toshkent, Andijon va Xorazm kabi viloyatlaridan ham san’atshunos hamda shashmaqom ixlosmandlari tashrif buyurdilar.Konferensiyada Buxoro shashmaqomi to‘g‘risida O‘zbekistonda xizmat ko‘rsatgan san’at arbobi, professor Otanazar Matyaqubov, kompozitor Mutal Burxonov ijodida maqomlar borasida O‘zbekistonda xizmat ko‘rsatgan san’at arbobi, professor To‘xtasin G‘afurbekov, “Shashmaqom” va Xorazm maqomlarining qiyosiy tahlili to‘g‘risida Botir Raximov va Rustam Boltayevlarning ma’ruzalari tinglandi.Shundan so‘ng domla Halim Ibodov ijrolaridagi “Navro‘zi Sabo” g‘azali Tolib Temirov talqinida ijro etildi. Bu qo‘shiq konferensiya ishtirokchilarini yana bir karra hayratga soldi.Musiqa ta’limi kafedrasi mudiri Bahrom Madrimov kecha qahramoni Sanoqul Do‘stovning ilmiy, ijodiy va pedagogik faoliyati haqida batafsil to‘xtaldi. Ustozning kelgusi faoliyatlariga omad tiladi.Tadbir so‘ngida shogirdlar ustozlarini qutlab, o‘z dil so‘zlarini izhor qildilar. Mannon OtaboyBuxDU matbuot kotibi
