BuxDUning Xorijiy tillar fakultetida viloyat Narkologiya dispanseri, universitet psixologi va “Ibn Sino salomatlik maskani” ma’rifat markazi bilan hamkorlikda “Kashandalikning ruhiyatga ta’siri” mavzusida davra suhbati bo‘lib o‘tdi.So‘zga chiqqan professor-o‘qituvchilar va soha mutaxassislari dunyodagi eng katta ofatga aylanib, juda katta talofatlar keltirayotgan ushbu salbiy illat haqida aniq dalillar asosida fikr-mulohazalar bildirishdi.Giyohvandlik deganda – inson organizmining narkotik va psixotrop moddalarni muttasil ravishda oshib boruvchi miqdorini qabul qilishga moyillikning shakllanishi bilan bog`liq og‘ir kasalliklar guruhining rivojlanishiga tushuniladi-deydi viloyat Narkologiya dispanseri A.Fayziyev.Kashandalik va giyohvandlik nechog‘lik fojia ekanligini to‘la anglab, mamlakatimizning har bir fuqarosi o‘z sog‘ligiga mas’uliyatni oshirish, uni saqlash, mustahkamlashga ongli munosabatda bo‘lish, sog‘lom turmush tarzi talablariga rioya qilishini ta’minlashga yetarli e’tibor qaratish lozim. O‘ylab ko‘ring, hech bir kishi onadan giyohvand bo‘lib tug‘ilmaydi. Hozirgi vaqtda o‘smirlar va hatto xotin-qizlar o‘rtasida ham bu ofat ko‘payib boryapti. Bu xunuk illat naslimiz, zuriyodlarimiz, oxir-oqibat millat buzilishiga sabab bo‘ladi.Unutmaslik kerakki, oilaning sog‘lom turmush tarzi, sog‘lom muhit, ma’rifiy-ma’naviy dunyoqarashi, halolligi, poklik, mehnatsevarligi, e’tiqodi kabilar farzandlarimizni giyohvandlikdek illatdan asrovchi omillardir.Davra suhbatida ishtirok etgan talabalar o‘zlarini qiziqtirgan savollarga mutaxassislardan javoblar olishdi. Mannon OtaboyBuxDU matbuot kotibi
