Buxoro davlat universitetiga tajriba almashish uchun Toshkent davlat Iqtisodiyot universitetidan tashrif buyurgan ishchi guruhi BuxDU prorektorlari, dekanlar, kafedra mudirlari va bo’lim boshliqlari bilan kengaytirilgan seminar o’tkazdi.Bundan bir necha kun oldin ishchi guruh a’zolari universitetdagi barcha dekanat, kafedralar va bo’limlarda bo’lib me’yoriy hujjatlarning yuritilishi, ilmiy, o’quv-uslubiy faoliyat, ma’naviy-ma’rifiy ishlarning olib borilishi, talabalarning bo’sh vaqtlarini mazmunli va samarali tashkil etish borasida o’z taklif va tavsiyalarini berishgandi. Hatto ushbu tavsiyalar asosida Turizm fakultetining Iqtisodiyot kafedrasi namunaviy kafedraga aylantirildi. Tajriba almashish jarayonida fakultet va kafedralardagi katta-kichik kamchiliklar yuzaga qalqib chiqdi.Bugungi seminarda barcha fakultetlar dekanlari, kafedra mudirlari o’zlarida mavjud kamchiliklarni bartaraf etish borasidagi rejalari asosida kafedra taqdimotlarini o’tkazdilar. Taqdimotda aytib o`tilgan kamchiliklar va muammolar, ularning yechimlari aniq ko’rsatilgan holda kelgusida ta’lim sifatini yuqori bosqichga ko’taradigan takliflar ham belgilab olindi. Ular fakultet va kafedralarning “Yo’l xaritasi” sifatida e’tirof etildi. Shuningdek, taqdimotda kafedralar ilmiy salohiyatini oshirish va Prezidentimizning 5 ta tashabbusini oliygohda keng joriy etish ham nazardan qochmadi.Bizning BuxDUdagi hamkasblarimizga ozgina bo’lsada foydamiz tekkanidan xursandmiz – deydi iqtisod fanlari nomzodi, dotsent I.Xotamov.-Buxoro katta ilmiy salohiyatga ega. Bu qadimiy shaharning poydevori ham ilmdan yaralgan. Buni Buxoro davlat universitetida tajriba almashib, yana bir karra guvohi bo’ldik. Oliygohdagi barcha hamkasblarimizning ishlariga omad tilab qolaman, yurtimiz ravnaqi yo’lida aslo tolmasinlar. Mannon OtaboyBuxDU matbuot kotibi
