Unversitet rektori Obidjon Xamidov talabalar turar joyiga tashrif buyurib, talabalarning istak va muammolari bilan qiziqdi. Ularga Prezidentimiz rahnamoligida katta harakatga aylangan 5 ta tashabbus haqida atroflicha ma’lumot berdi. Ushbu tashabbus har birimizning hayotimizda dasturilamal bo‘lishi kerak- dedi rektor. Buxoroyi sharif aziz avliyoyu anbiyolar yurti. Bu zamin ilmu urfon makonidir. Shunday ekan kitobxonlik qonimizda bor. Kitob sadoqatli do‘st, nurafshon kelajagimiz. Rektor kitobxonlik yo‘nalishida yangi loyihalar asosida ko`rik tanlovlar tashkil etish haqida gapirib o‘tdi. Shundan so‘ng so‘zni tadbir mehmoni Amerka Qo‘shma Shtatlarining Santa Fe shahrida o‘tgan Xalqaro hunarmandlar ko‘rgazmasi, YUNESKO shafeligida Hindistonning Dehli shaxrida tashkil etilgan Xalqaro hunarmandlar konferensiyasi, Fransiya va Yaponiyada o‘tkazilgan O‘zbekiston madaniyati kunlari ishtirokchisi, Respublika “Tashabbus-2009” ko‘rik-tanlovi g‘olibi mohir zargar iqtidorli hunarmand Alisher Haydarovga berdi. Qo‘li gul zargar talabalar bilan erkin muloqotga kirishdi. Ham maroqli, ham mashaqqatli hunari ortidan dunyo kezgan, el-yurt hurmatiga sazavor bo‘lganini quvonch bilan ta’kidladi. Bu hunar menga ota-bobomdan meros. Turmush o‘rtog‘im ham, uch farzandim ham mening hunarimni egallashganidan xursandman-deydi Alisher aka. Mehmon talabalar va murabbiylarni qiziqtirgan savollarga javob qaytardi. Ularni o‘zining Ustoz-shogird maktabiga taklif qildi. Uchrashuvlardan so‘ng tadbirning badiiy qismi boshlandi.Manno OtaboyBuxDU matbuot kotibi