Kecha Buxoro davlat universitetida oliygoh faoliyatini takomillashtirish choralari to‘g‘risidagi muhim masalalar muhokama qilindi. Yig‘ilishda prorektorlar, barcha fakultet dekanlari, kafedra mudirlari, TDIU ta’lim sifatini nazorat qilish inspeksiyasi boshlig‘i N.Karimovlar ishtirok etdilar.Kun tartibidagi masala yuzasidan N.Karimov ma’ruzasi eshitilgach, yo‘nalishlar bo‘yicha mas’ul xodimlarning axborotlari va fikr mulohazalari ham tinglandi. Berilgan axborotlardan ko‘rindiki, hali BuxDUda qilinadigan va amalga oshiriladigan ishlar anchagina ko‘p.Jumladan, professor-o‘qituvchilarining pedagogik faoliyati vaqt me’yorlariga rioya etilgan holda tashkil etish, Prezidentimizning “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775 qarorining universitetda ijrosini jadallik bilan ta’minlash, OTM va ishlab chiqarish o‘rtasida integratsiya jarayonlarini kuchaytirish, oliygohda o‘tgan yillar mobaynida xo‘jalik shartnomalarining tuzilishi va bajarilishi bo‘yicha yo‘l qo‘yilgan kamchiliklarni bartaraf etish, Toshkent davlat iqtisodiyot universiteti ishchi guruhining Buxoro davlat universitetiga amalga oshirilgan tashrifi davomida berilgan tavsiyalarni bajarish va kamchiliklarni tuzatish kabi 15 ga yaqin masalalar ko‘rildi.Ko‘rilgan masalalar yuzasidan yig‘ilish qarori qabul qilinib, ularning ijrosi bo‘yicha tegishli mas’ullarga topshiriqlar berildi.Mannon OtaboyBuxDU matbuot kotibi
