Atoqli davlat arbobi, sarkarda, iste’dodli shoir, adib, donishmand, tarixchi, zakovatli olim va tarjimon ulug‘ bobokalonimiz Zahiriddin Muhammad Bobur tavalludining 536-yilligi Buxoro davlat universitetida ham tantanali nishonlandi.Buxoro davlat universiteti filologiya fakultetining O‘zbek adabiyoti kafedrasi hamda O‘zbek tili va adabiyoti ta’lim yo‘nalishi talabalari ishtirokida tashkil etilgan tadbirda universitet o‘qituvchi va talabalari, mehmonlar hamda OAV lari vakillari ishtirok etdilar.Tadbirni BuxDUning ma’naviy-ma’rifiy ishlar bo‘yicha prorektori, pedagogika fanlari nomzodi, dotsent O.Qodirov ochib berdi. Filologiya fanlari nomzodi, dotsent Sh.Hayitovning “Bobur Mirzo va Naqshbandiya tariqati” mavzusidagi ma’ruzasi ishtirokchilarga katta taa’surot qoldirdi.Ayniqsa, O‘zbek tili va adabiyoti ta’lim yo‘nalishi 2-bosqich talabalarining adabiy-ma’rifiy (sahna ko‘rinishlari ashula, raqs, badiiy o‘qish) borasidagi chiqishlari qatnashchilar olqishiga sazovor bo‘ldi.Bobur Mirzo bosib o‘tgan yo‘l, uning armonlari, yurtga bo‘lgan sog‘inchu iztiroblari, yorga, Vatanga va yaqinlariga atalgan muhabbati sahna ko‘rinishlari orqali namoyish etildi. Hind kuy va qo‘shiqlari dillarni jumbushga keltirdi. Quyidagi g‘azallari esa jonga roxat baxsh etdi.Takalluf har necha suratda bo‘lsa, ondin ortuqsen!Seni jon derlar, ammo betakalluf jondin ortuqsen!Pariyning husn ichra garchi oti benihoyatdur,Meni devona qoshimda va lekin ondin ortuqsen!Pariy bu husn birla ko‘rsa yuzungni, bo‘lur telba,Seni tarif etar, lekin sifat qilg‘ondin ortuqsen!Qadam ranjida qil ko‘nglum uchun, ey yorning o‘qi,Mening bu notavon ko‘nglimga chun darmondin ortuqsen!Iqomat chunki qilding, Boburo, ul hur ko‘yida,Maqomning ravzadin avlo, o‘zing rizvondin ortuqsen!O‘zbek filologiyasi kafedra mudiri go‘zal nafosat kechasini tashkil etishda bosh-qosh bo‘lgan dotsentlar Sh.Hayitov va H.Eshonqulovlarga tashakkur izhor etdi. BuxDU matbuot kotibiMannon Otaboy
