Bugun 1-mart. O'zbekiston xalq shoirasi Zulfiyaning 104 yilligi Respublikamiz bo'ylab keng nishonlanmoqda. Adibaning porloq xotirasi vatandoshlarimiz qalbida abadiy saqlanib qolgan. U kishining oltindan qimmat bo'lgan she'rlari, kelajak avlodlarga qoldirgan boy adabiy merosi asrlar davomida adabiyotimiz xazinasidan joy oldi. Shoirani xotirlab Respublikamizda ko'plab ommaviy tadbirlar, adabiy--badiiy kechalar uyushtirilmoqda.Shu maqsadda Buxoro davlat universiteti "Maktabgacha va boshlang'ich ta'lim" fakulteti 4.4BTU-15 guruhi talabalari davlat amaliyotiga chiqqan Buxoro shahridagi 38-maktabda Bux Du dotsenti Mohichehra Yoqubovna tashabbusi bilan Zulfiya tavalludining 104 yilligiga bag'ishlangan "She'riyat tongining yulduzi" nomli tadbirni tashkil qilishdi. Ochiq dars tarzida o'tkazilgan tadbirlarda 38-maktabning o'quvchilari faol qatnashishdi, yodlab kelgan she'rlarini aytib berishdi.-O'zbekiston xalq shoirasi,taniqli jamoat va davlat arbobi — Zulfiya, xorijiy mamlakat taraqqiyparvar yozuvchilari va davlat arboblarining mehmoni sifatida juda ko'p mamlakatlarda bo'lgan edi, - deydi Maktabgacha va boshlang'ich ta'lim fakulteti dotsenti Mohichehra Ro'ziyeva. Bugungi darslar davomida 4.4BTU-15 guruhi talabalari ham o'quvchilarning ma'naviyatini yuksaltirish, Zulfiya ijodini mukammal o'rgatishni maqsad qilishdi. Bunday tadbirlar yanada ko'proq tashkillashtirish yaxshi samaralar beradi.Zilola Po'lotova
