Buxoro davlat universitetida O‘zbekiston Respublikasi Prezidentining 2018-yil 5-iyundagi “Oliy ta’lim muassalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-son qarori ijrosini ta’minlash maqsadida muayyan ishlar amalga oshirilmoqda. Bugungi kunda jahon reytinggida yuqori o’rinlarda turuvchi xorijiy OTMlar bilan hamkorlikni o’rnatish, ular bilan hamkorlikda ilmiy tadqiqot, almashinuv dasturlarini ishlab chiqish bilan birga ikki tomonlama diplom berish, qo’shma ta’lim dasturlarini ishlab chiqish, xorijiy OTM ning filliallarini BuxDU huzurida ochish kabi ishlar amalga oshirilmoqda.Buxoro davlat universiteti hozirgi davrga qadar Germaniyaning 2 OTMsi Muyunsterdagi Vilgelm nomidagi Vestfaliya universiteti, Veimar Bauxaus universitetlari bilan hamkorlikda talabalar amaliyotini tashkil qilish, konferensiya va seminarlar o’tkazish, qo’shma adabiyotlar yaratish bo’yicha bir qancha ishlarni amalga oshirib keldi.Joriy yilning yanvar oyida BuxDU rektori A. To’laganov o’zaro aloqalarni yangi bosqichga olib chiqish hamda rivojlantirish maqsadida Germaniyaning bir qator OTMlari ga tashrif buyurdi. Tashrif davomida Potsdam universiteti, Anhalt universiteti, Gannover universiteti bilan o’zaro hamkorlikda BuxDU tarkibida qo'shma fakultet yoki kafedralar tashkil etish, ikki tomonlama diplom berish jarayonlarini tashkillashtirish va amalga oshirish, bakalavr, magistratura va doktoranturada birgalikdagi qo`shma o'quv dasturlarini amalga oshirishga kelishib olindi hamda hamkorlik shartnomalari imzolandi.Bundan ko`zlangan maqsad kelgusida ushbu kelishuvlar asosida BuxDU da ta’lim sifatini oshirish, kadrlarni raqobatbardoshligini ta’minlashda Germaniya oliy ta’lim muassasalari tajribasidan foydalanish bilan birga hamkorlikni yanada kuchaytirish va kengaytirish rejalashtirilgan.BuxDU matbuot kotibiMannon Otaboy
