Buxoro davlat universitetining Maktabgacha va boshlang‘ich ta’lim fakultetida “Tinchlik-eng oliy ne’mat” va “Islomda ekstremizm va terrorizmga o‘rin yo‘q” mavzusida ma’naviy-ma’rifiy tadbir bo‘lib o‘tdi.Tadbirda so‘zga chiqqanlar “O‘zbekiston respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar Dastur”i haqida va bu borada amalga oshirilayotgan ishlarning yangi bosqichga ko‘tarilganini e’tirof etishdi.Ammo shunday tinch zamonda turli ekstremistik oqimlar jamiyatidagi ijtimoiy-ma’naviy muhitga o‘z ta’sirini o‘tkazishga urinmoqda. Ushbu tadbir ogohlikni yanada kuchaytirish, atrofimizdagi hodisalarga loqayd qaramaslik, yoshlarimizni buzg‘unchi g‘oyalar va turli oqimlar ta’siriga tushib qolishining oldini olishga xizmat qiladi.Hozirgi kunda eng asosiy tahdid xalqaro terrorizmdir. Bu illatlarga qarshi kurashish faqat muayyan soha vakillariningina ishi emas, barchamizning vazifamizdir. Tinchlik-bebaho ne’mat. Uning qadriga etish asrab-avaylash uchun barchamiz birlashib kurashmog‘imiz lozimligi tadbirda alohida ta’kidlandi. BuxDU matbuot kotibiMannon Otaboy
