Ana shu nom bilan tashkil etilgan tadbir Buxoro Davlat Universitetining “Maktabgacha va boshlang‘ich ta’lim fakul’teti” da bo‘lib o‘tdi. Uni “Boshlang‘ich ta’lim kafedra”si olimlari tashkil etdilar. Badiiy kechada universitetning barcha fakultetidan o‘qituvchi, talabalar ishtirok etib, o‘z munosabatlarini bildirib, she’r aytish davrasining fayzini oshirdilar.— Navoiy ijodi xazina, Navoiy g‘azallari ko‘ngil ko‘zgusi, Navoiy merosi Koni gilunda inson ko‘ngil suvratini, so‘z sehrini, Nozim gulshani chorchamanlarini ko‘rish baxtiga muyassar etadi, — dedi maktabgacha va boshlang‘ich ta’lim fakulteti dekani B.Umarov. — eng qizig‘i shundaki, shoir g‘azallarining bugungi talabalar tomonidan «Qiroati» o‘zgacha go‘zallik kashf etdi. “Xamsa” dostonidan namoyishlar qilingani teatr sahnasi ko‘rinishini oldi. Biz xursandmiz.—Men “Saddi Iskanda-riy”ni o‘qiganman. Yomon qabila ahli tog‘ning maxfiy yo‘llaridan o‘tib, haqgo‘y odamlarga hujum qilganida g‘animlarni yo‘q qilib yuborgan Iskandar tiklagan to‘siq-devor mana bugun ham majoziy ahamiyatini yo‘qotgani yo‘q. Buni sahnaga chiqqan talabalar talqinidan zal ahli chuqur tushundi, — dedi fakultetning ma’naviyat va ma’rifat ishlari bo‘yicha dekan muovini N.Safarova. badiiy kompozitsion she’riyat kechasini tashkil etishda ko‘p mehnatlari singan M.Ro‘zieva, D.Ahmedova kabi olimalarga tomoshabinlar tahsini ko‘p bo‘ldi.BuxDU matbuot xizmatiMannon Otaboy
