Buxoro davlat universiteti majlislar zalida “Taraqqiyot strategiyasi” vakolatxonasi bilan hamkorlikda 2017-2021- yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakat strategiyasini “Faol tadbirkorlik, innovatsion g‘oyalar va texnologiyalarni qo‘llab-quvvatlash yili”da amalga oshirish bo‘yicha Davlat dasturi doirasida, shuningdek BMTning Barqaror rivojlanish maqsadlari bo‘yicha hayotga tadbiq etilayotgan loyihalar va bu borada erishilgan yutuqlarni muhokama qilish maqsadida Buxoro viloyati oliy o‘quv yurtlarining faol talabalari uchun seminar tashkil etildi.Unda viloyatdagi barcha oliygohlardan o‘qituvchi va faol talabalar ishtirok etishdi.Seminarni Buxoro davlat universitetining ma’naviy-ma’rifiy ishlar bo‘yicha prorektori Arif Kadirov ochib berdi.Tadbir ishtirokchilariga mavzu yuzasidan Harakatlar strategiyasi markazi bosh koordinatori Sherzod Saparov keng tushuncha berdi. Bundan tashqari ushbu loyiha rahbari Bahrom Gafurjanov chiqishlari qatnashchilarda katta qiziqish uyg‘otdi.Shundan so‘ng Harakatlar strategiyasi markazi bosh koordinatori va loyiha rahbari mavzu yuzasidan muhokamaga chiqqanlar fikrlariga munosabat bildirib, talabalarning barcha savollariga javob qaytardilar.BuxDU:Mannon Otaboy
