11-15-sentabr kunlari Buxoro davlat universiteti rektori A.To‘laganov Germaniyaning Veymar shahrida xizmat safarida bo‘lib qaytdi.11-sentabr kuni Bauxaus universitetining Finger nomidagi Qurilish materiallari ilmiy-tekshirish instituti direktori professor M.Lyudvig hamda xalqaro IBAUSIL konferensiyasi kotibi doktor X.B.Fisher bilan uchrashuv o‘tkazildi.Uchrashuvda mamlakatimizda oliy ta’lim sohasida amalga oshirilayotgan islohotlar, xususan O‘zbekiston Respublikasi Prezidentining 2909 hamda 3775-sonli qarorlari bo‘yicha amalga oshirilgan va olib borilayotgan ishlar borasida ma’lumotlar berildi.O‘zaro hamkorlikda magistratura mutaxassisliklari bo‘yicha, “qo‘shma diplom” olish masalasi (TAQI,SamDAQI,BuxMTI bilan) bo‘yicha O‘zbekistondagi arxitektura yodgorliklarini o‘rganish yo‘nalishida ilmiy ishlar olib borish, qo‘shma xalqaro loyihalar (ERASMUS+doirasida va boshqalar) tayyorlash masalalari ko‘rib chiqildi. Shu institutda ta’lim jarayonini tashkil etish, magistraturaga qabul masalalari bilan ham tanishildi.Jumladan, rektor 12-14-sentabr kunlari Veymardagi Bauxaus universiteti hamda Qurilish materiallari ilmiy-tekshirish instituti hamkorligida bo‘lib o‘tgan 20-an’anaviy IBAUSIL konferensiyasida ishtirok etdi. Konferensiyada A.To‘laganov to‘rt bora ma’ruza qilgach, 2 ta yangi kitob taqdimotini ham o‘tkazdi. Ularning bittasi nemis tilida. SHuningdek, Veymar Bauxaus universiteti Prezidenti professor Vinfrid Skaytkamf bilan bo‘lgan uchrashuv hamkorlikka keng yo‘l ochdi. Uchrashuvda Bauxaus universiteti Tashqi aloqalar universiteti tashqi aloqalar bo‘yicha prorektori professor Emes J., Qurilish fakultetining “Yer qimirlash tadqiqotlari” markazi direktori Y.Shvars, O‘zbekistondan SamDAQI rektori S.Ahmedov, dotsentlar A.Sultonov, F.SHodiyev, TAQI dan doktorant A.Muxamedbayevlar ham ishtirok etishdi. Ikki tomonlama uchrashuvlarda O‘zbekiston ta’lim sohasida amalga oshirilayotgan islohotlar, shu jumladan Germaniyaning OTMlari haqida, shuningdek vazirlik tomonidan qo‘yilgan vazifa, ya’ni Bauxaus universiteti bilan o‘zaro hamkorlik aloqalarini o‘rnatish, almashinuv dasturini yo‘lga qo‘yish, qo‘shma fakultet yoki filiallar ochish masalalari atroflicha muhokama qilindi.Natijada quyidagi yo‘nalishlarda hamkorlik, kadrlar tayyorlash va ilmiy ishlarni olib borishga kelishildi: Bularni amalga oshirish uchun BuxDU va Bauxaus universiteti, shuningdek SamDAQI va Bauxaus, TAQI va Bauxaus o‘rtasida memorandumlar imzolandi.Bundan tashqari konferensiya doirasida Kiyev Milliy arxitektura va qurilish universiteti rahbariyati bilan ham muzokaralar olib borildi. Natijada kiyevliklar O‘zbekiston arxitektura va qurilish sohasida magistrantlar va doktarantlarni o‘qitish, professor-o‘qituvchilar malakasini oshirish uchun hamkorlik qilishga rozilik berishdi.Endi bularni rasman amalga oshirish uchun O‘zbekistondagi qurilish va arxitektura sohasidagi OTMlari kiyevliklar bilan shartnomalar tuzishlari kerak bo‘ladi.BuxDU Matbuot kotibi
