2018-yil 16-noyabr kuni Buxoro davlat universiteti majlislar zalida davlatimiz rahbarining “2019-2021 yillarda O‘zbekiston Respublikasi innovatsion rivojlantirish strategiyasini tasdiqlash to‘g‘risida”gi Farmon targ‘ibotiga bag‘ishlangan davra suhbati o‘tkazildi. Unda Tadbirkorlar va ishbilarmonlar harakati-O‘zbekiston Liberal-demokratik partiyasi Ijroiya qo‘mitasi va O‘zbekiston Respublikasi Innovatsion rivojlanish vazirligi vakillari, partiya viloyat Kengashi va xalq deputatlari viloyat, tuman va shahar Kengashlaridagi UzLiDeP deputatlik guruhlari a’zolari, tadbirkorlar, fermerlar, hamkor tashkilotlar mutasaddilari, viloyatdagi oliy o‘quv yurtlari professor-o‘qituvchilari, ilmiy tadqiqotchilar va magistrant talabalar ishtirok etmoqdalar.Davra suhbati O`zLiDeP viloyat Kengashi raisi F.Aminov kirish so‘zi bilan ochdi.Tadbirda Prezidentimizning yuqorida tilga olib o‘tilgan Farmoniga asosan tasdiqlangan “2019-2021 yillarda O‘zbekiston Respublikasini innovatsion rivojlantirish strategiyasi, ushbu strategiyani amalga oshirish bo‘yicha ishlab chiqilgan “Yo‘l xaritasi” va O‘zbekiston Respublikasini 2030-yilgacha innovatsion rivojlantirishning maqsadli ko‘rsatgichlari” mazmun-mohiyati yuzasidan atroflicha fikr yuritildi.Prezidentimiz Farmonida jumladan: ilmiy tadqiqotlar va ishlanmalarning ilmiy salohiyatini mustahkamlash va samaradorligini oshirish, ilmiy-tadqiqot, tajriba-konstruktorlik va texnologik ishlar natijalarini keng joriy etish uchun ta’lim, ilm-fan va tadbirkorlikni integratsiya qilishning ta’sirchan mexanizmlarini yaratish, mulkchilik huquqlari himoyasini ta’minlash, raqobatbardosh bozorlar tashkil etish va biznes yuritish uchun teng shart-sharoitlar yaratish, davlat-xususiy sherikligini rivojlantirish, barqaror faoliyat yuritadigan ijtimoiy-iqtisodiy infratuzilmani yaratish bo‘yicha asosiy vazifalar belgilangan.Hech shubhasiz, ushbu Farmon asosiy elektorati o‘rta qatlam vakillaridan iborat bo‘lgan O`zLiDeP zimmasiga ham alohida mas’uliyat yuklaydi. Shu munosabat bilan davra suhbatida partiya barcha bo‘g‘inlarining, shu jumladan, mahalliy Kengashlardagi deputatlarning davlatimiz rahbari Farmonidan kelib chiqadigan ustuvor vazifalari belgilab olindi. BuxDU matbuot kotibiMannon Otaboy
