31-yanvar kuni Buxoro davlat universiteti kichik yig‘ilishlar zalida “Is gazidan zaharlanishni oldini olish va yong‘inlar profilaktikasi” mavzusida ko‘rgazmali amaliy o‘quv mashg‘uloti bo‘lib o‘tdi.O‘quv mashg‘ulotini Buxoro davlat universiteti Fuqaro mudofaasi va mehnat muhofazasi bo‘lim boshlig‘i F.Boltayev ochib, kun tartibidagi masala bilan o‘quv mashg‘uloti ishtirokchilarini tanishtirib o‘tdi. Tadbirda ma’ruza qilgan O‘zbekiston Respublikasi IIB Yong‘in xavsizligi instituti katta o‘qituvchisi kapitan Odil To‘laganov is gazidan zaharlanishni oldini olish, respublikada sodir bo‘layotgan yong‘inlar, elektr va issiqlik energiyasi, ko‘mirdan xavfsiz va oqilona foydalanishda texnika va yong‘in xavfsizligi qoidalariga amal qilinishi hamda joylarda xizmat tomonidan rejadagi bajarilgan profilaktik tadbirlar, ularni samaradorligini oshirish maqsadida tegishli xizmatlar bilan o‘zaro hamkorlikni yo‘lga qo‘yish haqida gapirib o‘tdi.Shuningdek, mavzu yuzasidan so‘zga chiqqan IIB Yong‘in xavfsizligi instituti 5-kurs kursanti Sardor Murtazoev, BuxDU yong‘in tufayli sodir bo`layotgan mudxish hodisalar oldini olish bo‘yicha instruktori Shuhrat Boltaevlar yong‘in xavfsizligi borasida o‘z fikr-mulohazalarini bildirdilar.Shundan so‘ng sohaga taaluqli videorolik namoyish etildi. Tadbirda ishtirok etgan mutaxassislar talabalarni qiziqtirgan savollarga ham javob qaytardilar. BuxDU matbuot kotibiMannon Otaboy
