Buxoro davlat universitetida O‘zbekiston Respublikasi Konstitutsiyasi qabul qilinganligining 26 yilligi munosabati bilan “Konstitutsiya – millat kelajagining huquqiy poydevori” mavzusida huquqiy-ma’rifiy anjuman bo‘lib o‘tdi.Eng avvalo, Konstitutsiya barcha qonunlarimizning asosi va poydevori hisoblanadi-dedi tadbirni ochib bergan BuxDU rektori vazifasini bajaruvchi professor Arif Qodirov. – Har bir davlat fuqarosi o‘z Konstitutsiyasi bilan faxrlanadi. O‘zbekiston respublikasi Konstitutsiyasi esa sizu bizning orimiz va g‘ururimizdir. Qomusimizni chuqur o‘rganish va o‘zlashtirish huquqiy bilimlarimizni mustahkamlabgina qolmay, yo‘limizda onda-sonda uchrab turadigan to‘siqlarni ham engib o‘tishimizga imkon yaratadi. Hammangizni qutlab, Konstitutsiya har qadamingizda hamroh bo‘lishini tilab qolaman.Tarix fakultetining “Milliy g‘oya va huquq asoslari” kafedrasi mudiri Sohib Raupov Konstitutsiya o‘zi nima degani, u qachon va qaerda tashkil topganligi to‘g‘risida ma’lumotlar berdi. Dunyoda mavjud davlatlarning atigi 140 tasigina o‘zining Konstitutsiyasiga ega, xolos. Ana shunday e’tirofga loyiq davlatlar orasida O‘zbekistonimizning borligi bizga faxr baxsh etadi.Tarix va madaniy meros fakultetining 3-kurs talabasi Feruz To‘xtamurodovning otashin fikrlari ham tengqurlari qalbiga g‘urur uyg‘otdi.Shundan so‘ng Pedagogika fakultetining musiqiy yo‘nalishi talabalarining kuy-qo‘shiqlari tadbir ishtirokchilariga zavq-shavq bag‘ishladi.Mannon OtaboyBuxDU matbuot kotibi
