O‘zbekiston Respublikasi Vazirlar Mahkamasining 2018 yil 12 martdagi bayoni bilan tasdiqlangan chora-tadbirlar rejasining 9-bandida belgilangan vazifalar hamda Vazirlikning 2018 yil 20 sentyabrdagi 795-sonli buyrug‘i ijrosini ta‘minlash maqsadida Buxoro davlat universitetida “O‘zbekiston yoshlari buzg‘unchi g‘oyalarga qarshi” mavzusida “Eng yaxshi maqola” tanlovi o‘tkaziladi. Barcha fakultetlarda tanlovning birinchi bosqichi joriy yil oktyabr oyining birinchi o‘n kunligida o‘tkaziladi va tanlov g‘oliblari fakultet “Faxriy yorlig‘i” bilan taqdirlanadi. Tanlovning fakultet bosqichida 1-o‘rinni egallagan talaba universitet bosqichida ishtirok etadi. Tanlovning universitet bosqichi joriy yil oktyabr oyining ikkinchi o‘n kunligida o‘tkaziladi hamda g‘oliblikni qo‘lga kiritgan talabalar “Diplom” va qimmatbaho sovg‘alar bilan taqdirlanadi, shuningdek, tanlovda faol ishtirok etgan talabalar universitet “Faxriy yorlig‘i” bilan taqdirlanadi. Tanlovni birinchi va ikkinchi bosqichi ishtirokchilarining eng sara ijodiy ishlari alohida rukn ostida universitet web-saytida va "Tafakkur gulshani" gazetasida keng yoritib boriladi. Universitet bo‘yicha tanlovda 1-, 2- o‘rinni egallagan talabaning hujjatlari tanlov Nizomiga muvofiq vazirlik Tashkiliy qo‘mitasiga taqdim etiladi. “Eng yaxshi maqola” tanlovi bo‘yicha uchinchi respublika bosqichida g‘olib bo‘lgan talabalar quyidagicha rag‘batlantiriladi, shuningdek, vazirlikning maxsus diplom va Faxriy yorlig‘i bilan taqdirlanadi: 1 o‘rin: 2 000 000 (ikki million so‘m), 2 o‘rin: 1 500 000 (bir million besh yuz mimg so‘m), 3 o‘rin: 1 000 000 (bir million so‘m), Izoh: Tanlov nizomini telegram ijtimoiy targ‘ida tashkil etilgan https://t.me/MANAVIYATLIINSONLAR kanaldan olshingiz mumkin.
