Inson hayotida ma’lum bir yutuqqa erishish uchun tinmay harakat qiladi, o‘qiydi, izlanadi. Bugungi qahramonimiz ham xayot yo‘li davomida ilm bilan oshno tutindi. Gap shundaki, Buxoro davlat universiteti nemis va fransuz tillari kafedrasi mudiri, filologiya fanlar doktori Malohat Jo‘raeva umri davomida sohaga ko‘plab yangiliklar olib kirdi. Talabalarga opa tutingan Malohat Jo‘raeva faoliyati davomida talaba hamda o`quvchilarni olimpiadalar va turli xil konkurslarga tayyorlab kelmoqda.U shu kunga qadar bir nechta respublika tanlovlarida sovrinli o‘rinlarni egallab kelmoqda. Jumladan, 2018-yil yakunida bo`lib o`tgan “Yil ayoli” ko‘rik konkursining Respublika bosqichida “Yilning eng faol olima ayoli” nominatsiyasi sohibasi bo‘ldi. “Oliy ta’lim muassasasining eng yaxshi pedagogi” tanlovi ta’lim dargohi miqiyosida 1-o‘rinni qo‘lga kiritdi. Shu bilan bir qatorda, Nemis va fransuz tillari kafedrasining “Yosh tarjimonlar” to‘garagiga rahbarlik qilib kelmoqda. Uning 150 dan ortiq ilmiy maqolalari xorij va mamlakatimizning nufuzli ilmiy jurnallarida chop etilgan.Mannon OtaboyBuxDu matbuot kotibi
