MunosabatO‘zbekiston Respublikasi Prezidenti Shavkat Mirziyoyev Oliy Majlisga navbatdagi murojaatnomani taqdim etganida ta’lim tizimiga alohida e’tibor berdi. Yurtboshimiz ma’ruzasi davomida ayniqsa, oliy ta’lim tizimi haqida to‘xtalar ekan, men kabi ko‘plab pedagoglarning dilidagi so‘zlarni aytdi.“Yurtimizda bitiruvchilarni oliy ta’lim bilan qamrab olish o‘tgan yillarda 9-10 foiz bo‘lib kelayotgan edi. So‘nggi 2 yilda ko‘rilgan chora-tadbirlar tufayli biz bu raqamni 15 foizdan oshirishga erishdik. Lekin bu hali yetarli emas, chunki dunyodagi rivojlangan davlatlar tajribasiga qaraydigan bo‘lsak, bu ko‘rsatkich ularda 60-70 foizni tashkil etadi.Shuning uchun 2019-yilda mamlakatimizda bitiruvchilarni oliy ta’lim bilan qamrab olish darajasini 20 foizga yetkazish va kelgusi yillarda oshirib borish muhim vazifalarimizdan biridir.Yoshlarimizga bir vaqtning o‘zida bir nechta oliy o‘quv yurtiga hujjat topshirish imkoniyatini berishimiz, o‘ylaymanki, ularning ta’lim olish huquqlarini kengaytirishga xizmat qiladi.Oliy ta’lim muassasalariga real imkoniyatlardan kelib chiqqan holda, qabul kvotalarini mustaqil belgilash tizimini joriy etishimiz kerak.Bakalavriat yo‘nalishida tahsil olayotgan talabalarga xorijda o‘qishni davom ettirish imkoniyatlarini yanada kengaytirishimiz kerak. Chunki jamiyatimizda oliy ma’lumotga ega, yuksak malakali mutaxassislar qancha ko‘p bo‘lsa, rivojlanish shuncha tez va samarali bo‘ladi. Vazirlar Mahkamasi ushbu takliflar yuzasidan 2 oy muddatda tegishli chora-tadbirlar ishlab chiqishi kerak.”Yuqoridagilardan kelib chiqib shuni aytish joizki, ta’lim tizimida bo‘layotgan o‘zgarishlar yaqin kelajakda o‘z samarasini beradi. Mamlakatimizning ko‘plab yoshlari bunday e’tibor, g‘amxo‘rlikdan xursand. Ular mamlakatimizda yuritilgan odil siyosatdan minnatdor. Biz pedagoglar esa yurtboshimizning bunday g‘amxo‘rligini qalban tuyub, yanada o‘z sohamizning fidoyisi bo‘lishga urinamiz. Mazkur e’tiborni katta mas’uliyat sifatida faxr bilan kutib oldik.Sevara NazarovaBuxDU
