O‘zbekiston yoshlar ittifoqi va Rossiya yoshlar ittifoqi hamkorligida tashkil etilgan ushbu yirik tadbir "Hamkorlik, tashabbuslar va innovatsiyalar" shiori ostida o‘tkazilmoqda.Festivalning rasmiy ochilishida O‘zbekiston yoshlar ittifoqi markaziy kengashi raisi Qahramon Quranboev, Rossiya Federatsiyasi Prezidentining xorijiy mamlakatlar bilan mintaqalararo va madaniy aloqalar bo‘yicha boshqarmasi departamenti boshlig‘i Aleksey Vlasov, Rossiya yoshlar ittifoqi raisi o‘rinbosari Tatyana Seliverstova so‘zga chiqib, tadbir ishtirokchilarini qutladi. Ta’kidlanganidek, ushbu festivalda ikki mamlakat yoshlarining o‘zaro do‘stona muloqoti, tadbirkorlik, turizm kabi sohalar bo‘yicha tajriba almashinuvini yo‘lga qo‘yish va hamkorlikda yangi loyihalarni ishlab chiqish mo‘ljallanmoqda.Festivalda Rossiya yoshlari ittifoqi, ishbilarmon doiralari, oliy ta’lim muassasalari, ommaviy axborot vositalari vakillaridan iborat delegatsiya ishtirok etmoqda.Festivalning ilk kunida O‘zbekiston yoshlar ittifoqi rahbariyati va delegatsiya tarkibidagi rasmiy doira vakillari o‘rtasida uchrashuv ham bo‘lib o‘tdi. Shuningdek, mehmonlarning Toshkent shahri bo‘ylab sayyohati uyushtirildi.O‘zbekiston-Rossiya yoshlar biznes forumi, turizm mavzusiga bag‘ishlangan amaliy konferensiya, yosh jurnalistlar va blogerlar kongressi kabi qator tadbirlarni o‘z ichiga olgan festival joriy yilning 1-noyabriga qadar davom etadi.Ma’lumot o‘rnida, O‘zbekiston-Rossiya yoshlar festivaliga Toshkent, Samarqand va Buxoro shaharlari mezbonlik qiladi. BuxDU matbuot kotibiMannon Otaboy
