Buxoro davlat universitetining Harbiy ta’lim fakulteti ofitser-o‘qituvchilari va talaba-yoshlari bilan O‘zbekiston Respublikasi Mudofaa vazirligi harbiy xizmatchilari Buyuk Britaniyaning Brekon shahrida “Kembriya patruli” Xalqaro tanlovi g‘oliblari bilan uchrashuv bo‘lib o‘tdi. Aslida 2017-yilda ham 29 mamlakatdan 139 ta jamoa qatnashgan mazkur musobaqada O‘zbekiston harbiylari birinchi marta ishtirok yetishgandi. Shunisi diqqatga sazovorligi shundaki, harbiylarimiz birinchi bor ishtirok etishlariga qaramay ikkinchi o‘rinni qo‘lga kiritishgandi. Joriy yilda esa 34 mamlakatdan jami 123 ta jamoa bellashgan ushbu nufuzli musobaqada eng yuqori pog‘onani band etishdi. Holbuki qo‘yilgan shartlar juda murakkab edi. YA’ni jamoalardan qurol-aslahalarni taqib, navigatsiyasiz Kembriya tog‘lari bo‘ylab etakchilik qobiliyati, amaliy ko‘nikmasi hamda ruhiy va jismoniy quvvatni sinovdan o‘tkazib, 25 kg yuk bilan 65 km masofaga piyoda marsh yurish, 1000 metr balandlikdan yuqori balanliklar va 750 metr pastliklardan o‘tish talabi qo‘yilgandi. Bu shartlarni o‘zbekistonlik harbiylar muvoffaqiyat bilan tez va ishochli ravishda uddalashdi. Ular butun dunyoga mamlakatimiz tinchligi va himoyasi ishonchli qo‘llarda ekanini yana bir karra namoyish etdilar. Harbiy ta’lim fakulteti boshlig‘i v.v. bajaruvchi podpolkovnik A.Vabaev ana shular haqida maroq bilan so‘zladi. Ushbu musobaqalarda ishtirok etgan kapitan S.Matmuradov va leytenant B. Choriyevlar ham o‘z taassurotlari bilan o‘rtoqlashdilar. Harbiylarimiz jasorati va muvaffaqiyati tadbir ishtirokchilariga faxr va g‘urur baxsh etdi. Mannon Otaboy BuxDU matbuot kotibi
