2018-yil 29-noyabr kuni Buxoro davlat universitetida Rossiya Federatsiyasining ikki oliy ta’lim muassasalari: Chelyabinsk davlat madaniyat instituti hamda Magnitagorsk davlat texnologiya universitetlari bilan birgalikda amaldagi aloqalarni yanada mustahkamlash maqsadida shartnomalar imzolanish marosimi o‘tkazildi.2012-yilda BuxDU pedagogikasi kafedrasi tashabbusi bilan Chelyabinskiy davlat madaniyat institutlari o‘zaro hamkorlik shartnomasini tuzishgan edi.O‘tgan davr mobaynida hamkorlikda ham ta’lim, ham ma’naviy sohalarda bir qator ishlar amalga oshirildi.Asosan ilmiy yo‘nalishda har ikki tomon nashrlarida 100 dan ortiq maqolalar chop etildi.12 nafar Chelyabinsk davlat madaniyat institutining professor-o‘qituvchilari BuxDUda turli yo‘nalishlar bo‘yicha ma’ruzalar, mahorat darslari, seminar treninglar tashkil etishdi. 2014-yilda tasviriy yo‘nalishimiz bazasida Chelyabinsk davlat madaniyat instituti 14 nafar talabasi, hamda 3 nafar professor-o‘qituvchisi yozgi amaliyotni Buxoroda o‘tashdi.2018-yil mart oyida BuxDU musiqa ta’lim yo‘nalishi talabalari va professor-o‘qituvchilaridan tashkil topgan “Buxoro navolari” ansambli Chelyabinsk davlat madaniyat institutida “Navro‘z” tantanalarini muvofaqiyatli o‘tkazishdi. Shuningdek, Chelyabinsk davlat madaniyat institutining “Radovane” xalq folklor ansambli Buxoro shahrida “Xalqaro ipak va ziravorlar festevalida ishtirok etishdi”.Bugungi shartnoma qanday istiqbollarni ochadi?Ikkala oliygoh o‘rtasida ta’lim-tarbiya, ilmiy hamda madaniy-ma’rifiy sohalarda hamkorlikni yanada yuqori darajaga olib chiqish, shuningdek tegishli yo‘nalish va mutaxassislar bo‘yicha qo‘shma ta’lim dasturlari asosida o‘zaro tan olinadigan diplomlar bo‘yicha hamkorlikni nazarda tutgan.Jumladan musiqa ta’lim yo‘nalishi bazasida BuxDUda 2019-2020 o‘quv yili uchun “Musiqa pedagogikasi” magistratura mutaxassisligi bo‘yicha 4 nafar bakalavrlarni o‘qishga qabul qilamiz. Bir yil BuxDUda, bir yil Chelyabinsk davlat madaniyat institutida tahsil olib, qo‘shma diplomga ega bo‘ladi.Tasviriy san’at va muhandislik grafikasi hamda tarix kafedralari bilan ham qo‘shma kafedra tuzish bo‘yicha kelishib olindi.Bugungi hamkorlik tadbirida Magnitogorsk Davlat universitetining Xalqaro aloqalar bo‘limi boshlig‘i Karobkov Yuriy Dmitriyevich ham ishtirok etyapti. Ular ham BuxDU bilan gumanitar ta’lim yo‘nalishlarida hamkorlik shartnomasini imzolashdi. O‘taversa, tarix fanlari doktori-professor Karobkov Yuriy Dmitriyevich ikki kundan buyon BuxDUning tarix va filologiya yo‘nalishlaridagi rus guruhlariga mahorat darslarini o‘tadi.Magnitagorsk davlat texnologiya universiteti Rossiya Federatsiyasi oliy ta’lim muassasalari orasida milliy reytingda 1223 ta OTM ichida 72-o‘rinda turadi. 11 o‘quv dasturi Rossiya Federatsiyasining “Eng yaxshi innovatsion o‘quv dasturlari” nominatsiyasida birinchi o‘rinni egallagan bo‘lib, QS reytingida “YEvropa va Markaziy Osiyoning rivojlanayotgan” OTMlari ichida TOP-300 ichida turibdi. Quacquarelli Symonds (QS) kompaniyasi ma’lumotiga ko‘ra BRIKS mamlakatlariga kiruvchi OTMlar ichida esa kuchli 400 talikka kiradi. Hozirgi davrda 30 ga yaqin davlatda joylashgan 60 dan ortiq OTM lar bilan hamkorlikda faoliyat olib boradi. Asosan Fransiya, Italiya, Chexiya, Xitoy, Braziliya davlatlari OTMlari bilan hamkorlik qiladi. Rossiyaning Ural provinsiyasidagi yagona Rossiya-Xitoy qo‘shma ta’lim dasturiga ega universitet hisoblanadi.Bunday ulkan imkoniyatlarga ega oliygoh bilan hamkorlik qilish kelgusida yaxshi samara berishi shubhasiz. Mannon OtaboyBuxDU matbuot kotibi
