Istiqlolga erishgan O’zbekistonning iqtisodiy taraqqiyotida, xalqimizning hayotida, davlatimizning siyosiy hayotida tub o’zgarishlar amalga oshirilmoqda. 2017-2021 yillarda O’zbekiston Respublikasini rivojlantirishning Harakatlar strategiyasida xalqimiz ijtimoiy-ma’naviy rivojlanishining o’ziga xos yo’nalishlari belgilab berildi.Xalqimiz buyuk kelajakni yaratish yo’lida astoydil harakat qilmoqda. Uni yaratishda ulug’ ajdodlarimiz buyuk faylasuflar, din arboblari, buyuk mutasavvif donishmandlar, ulug’ allomalar ta’limotini o’rganish imkoniyatiga ega bo’ldik. Asrlar mobaynida xalqimiz saqlab kelayotgan umuminsoniy, milliy va ma’naviy kadriyatlarni ilmiy tadqiq qilib, rivojlantirishga Prezidentimiz tomonidan yangi imkoniyatlar yaratib berildi. Xususan, 2017 yilning o’zida O’zbekiston Respublikasi Prezidenti Sh.Mirziyoevning 2017 yil 27 martdagi “O’zbekiston Respublikasi Vazirlar Mahkamasi huzurida Imom Buxoriy xalqaro ilmiy- tadqiqot markazini tashkil etish chora-tadbirlari to’g’risida”gi PQ-2855- sonli Qarori va O’zbekiston Respublikasi Prezidenti Sh.Mirziyoevning 2017 yil 14-15 aprel kunlari Samarqand viloyatiga tashriflari doirasida bildirgan fikrlari va topshiriqlari hamda O’zbekiston Respublikasi Prezidentining 2017 yil 23 iyundagi “O’zbekiston Respublikasi Vazirlar Mahkamasi huzurida O’zbekistonda Islom madaniyati markazini tashkil etish chora-tadbirlari to’g’risida”gi PQ-3080-sonli Qarori va 2017 yil 11 iyuldagi “Abduxoliq G’ijduvoniy tavalludining 915 yilligini va Baxouddin Naqshband tavalludining 700 yilligini nishonlashga tayyorgarlik ko’rish hamda uni o’tkazish to’g’risida”gi F-4988-sonli Farmoyishi, 2017 yil 2 avgustdagi “O’zbekiston Respublikasi Vazirlar Mahkamasi huzuridagi O’zbekistondagi Islom madaniyati markazi faoliyatini tashkil etish to’g’risida”gi 572-sonli Qarorlari yurtimizda islom madaniyati va tasavvuf ta’limoti namoyandalarining ta’limotlarini chuqurroq o’rganish va tadqiq etishda yangi imkoniyatlar va o’ziga xos vazifalarni belgilab berdi.Shu maqsadda joriy yilning 27 aprel sanasida Buxoro davlat universitetida “XOJAGON-NAQShBANDIYa TARIQATINING JAHON SIVILIZASIYaSI TARIXIDA TUTGAN O’RNI” mavzusidagi ilmiy-amaliy anjuman o’tkazildi. Anjumanda respublikamizning taniqli naqshbandshunos olimlari falsafa fanlari doktorlari, professorlar Navro’zova Gulchehra Ne’matovna, Shodiyev Rustam Toxirovich, Safarova Nigora Olimovna, Huseynova Abera Amanovna, filologiya fanlari nomzodi, dosent Sayfiddin Rafiddinov, tarix fanlari doktorlari Inoyatov Sulaymon Inoyatovich va Hayitov Shodmon Ahmadovichlar o’z ma’ruzalari bilan ishtirok etdilar.
