BuxDUda “Inklyuziv Media Klubi” faoliyati boshlandi!
Buxoro davlat universitetida imkoniyati cheklangan va sog‘lom talabalar o‘rtasida teng imkoniyatli ta’lim muhitini yaratish maqsadida yangi Inklyuziv Media Klubi tashkil etildi.
Klubning asosiy maqsadi:
Inklyuzivlik g‘oyasini media vositalari orqali targ‘ib qilish;
Talabalarda ijtimoiy faollik va mas’uliyat tuyg‘usini rivojlantirish;
Stigmalar va diskriminatsiyaga qarshi ijobiy misollarni ko‘rsatish.
Faoliyat yo‘nalishlari:
Ijtimoiy videoroliklar tayyorlash (“Birga kuchlimiz”, “Barcha uchun teng imkoniyat” mavzusida)
Talabalar, ustozlar va mutaxassislar fikri asosida intervyu va maqolalar tayyorlash
Ijtimoiy tarmoqlarda sahifa ochish va muntazam kontent joylashtirish
“Inklyuziv muhit koʻzim bilan” mavzusida ko‘rgazma va fotokonkurslar tashkil etish
Ochik muloqot, munozara va forumlar o‘tkazish, ommaviy axborot vositalari bilan hamkorlik qilish
Inklyuziv ta’lim mavzusida ochiq darslar va seminarlar tashkil etish
Ijtimoiy aksiya va fleshmoblar orqali inklyuzivlik, tenglik va barqaror rivojlanish mavzularini yoritish
Bizning klub har bir talabaning ovozini eshitish, imkoniyatlarini kengaytirish va jamiyatimizda inklyuziv muhitni shakllantirishga qaratilgan.
Agar siz ham ijtimoiy faollikni rivojlantirish, media kontent yaratish va inklyuziv g‘oyalarni targ‘ib qilishga qiziqsangiz, biz bilan bog‘laning!
