2021-yilning 14-dekabr kuni bo‘lib o‘tgan Innovatsion rivojlanish vazirligi Hay’atining navbatdagi yig‘ilishida universitet professor-o‘qituvchilari tomonidan ishlab chiqilgan “Blokcheyn texnologiyasidan foydalangan holda sun’iy intellektga asoslangan onlayn ta’lim uchun platformasi (int42h) ishlab chiqish” startap loyihasi moliyalashtirilishi belgilandi. Startap loyiha qiymati 556,8 mln. so‘mni tashkil etdi. 2022-yilda loyiha kalendar rejaga asosan moliyalashtirildi.
Hozirgi kunda Blokcheyn texnologiyasidan foydalangan holda sun’iy intellektga asoslangan onlayn ta’lim uchun platforma O‘zbekistonda mavjud emas. Bozor uchun yangi xizmat turi hisoblanadi. Platformani sun’iy intellekt boshqaradi. Sun’iy intellekt o‘quvchining tayyorgarlik darajasi va axborotni idrok etishning individual xususiyatlaridan kelib chiqib, unga mos dastur tanlaydi.
Onlayn ta’lim va masofaviy ta’lim uchun moslashuvchan platforma ta’lim oluvchiga ta’lim vaqtini va joyini erkin tanlash imkoniyatini yaratib beradi. Blockchain texnologiyasidan foydalangan holda sun’iy intellektga asoslangan onlayn ta’lim uchun platforma yaratilgandan so‘ng, o‘qituvchilar yoki biznes trenerlar o‘z kurslarini platformaga joylashtirishi va bu orqali daromad olishi mumkin. Yangi ish o‘rinlarini yaratilishiga imkon yaratadi.
