Yaratganga behad shukrlar bo’lsin-ki, jannatmonand diyorimizga oylar mohi Ramazoni sharif kirib keldi. Bu oyning fazilati haqida muborak kalom Qur’oni karimda va payg’ambarimiz Muhammad (s.a.v)ning hadislarida juda ko’plab ma’lumotlar keladi. Ushbu oyda qilingan bir yaxshilik ming yaxshilik etib yozilishi, tavbalar qabul bo’lishi, inson qalbiga yopishgan qoralik ketishi, shaytonlar zanjirband etilishi ana shular jumlasidandir.
Ma’naviyat va ma’rifat bo’limi ana shunday go’zal oy bilan universitet jamoasini muborakbod etib qoladi. Bu oyning har bir daqiqasining qadriga etish, undan unumli foydalanish, odamiylik fazilatlarini yanada shakllantirish har birimizning insoniylik burchimizdir.
Barchangizga Ramazon oyi qutlug’ kelsin!
