Buxoro davlat universiteti ma’muriyati bahorning ilohiy nafasidan tabiat uyg’onib, olam yasharib, yangilanib borayotgan ushbu damlarda o’zida dunyo go’zalligini, hayot falsafasi va ma’no-mazmunini, qalbida fidoyilik, vafo va sadoqatni jo aylagan Sizdek oqila va fozila munis ayollarni qutlug’ ayyom – 8 mart bilan qizg’in muborakbod etadi.
Hamisha ezgulik va shafqat, mehr-oqibat va sadoqat timsoli bo’lgan Sizdek muhtarama zotlarni bugungi ayyomingiz bilan chin dildan qutlar ekanmiz, sizlarga sihat-salomatlik, xonadoningizga fayzu baraka, ilmiy va ijodiy faoliyatingizga ulkan muvaffaqiyatlar tilaymiz.
Ma’rifat, ma’naviyat, halollik, ibo, nazokat va bahoriy kayfiyat o’zbek xotin-qizlarini aslo tark etmasin!
MA’MURIYAT
