Pedagog kadrlari lavozimlariga tanlov uchun hujjatlarni qabul qilish 12-avgustdan 16-avgustga (shu kun ham qabul qilinadi) qadar davom etadi.
Chuqur kasbiy bilimlarga va ilmiy yutuqlarga, ijodiy, ilmiy salohiyatga, yuksak intellektual qobiliyatlar va axloqiy fazilatlarga ega bo‘lgan mutaxassislar tayyorlash bilan shug‘ullanishga munosib bo‘lgan eng malakali pedagog kadrlarni tanlash uchun raqobat muhitini yaratish va ta’minlash tanlovning maqsadi hisoblanadi.
Hujjatlar qabuli universitetning https://uniwork.buxdu.uz/ elektron tizimi orqali amalga oshiriladi.
Ariza beruvchilar:
✔️ https://uniwork.buxdu.uz/ ro‘yxatdan o‘tish uchun quyidagi hujjatlarni elektron tizimga biriktirishi;
✔️ https://hr.buxdu.uz/vacancy/ lavozim bo‘yicha talablar bilan tanishishi talab etiladi.
1. Oliy ma’lumot to‘g‘risidagi diplom (bakalavr va magistr diplomi), xorijiy oliy ta’lim muassasalarida o‘qigan nomzod bo‘lsa, diplomi tan olish va nostrifikatsiyadan o‘tganligini tasdiqlovchi guvohnoma, ilmiy daraja va ilmiy unvon olganlik to‘g‘risidagi diplom (mavjud bo‘lsa);
2. Rezyume (ma’lumotnoma-obyektivka)
3. Xorijiy til bilish sertifikati (mavjud bo‘lsa qabul jarayonida ustuvorlik beriladi)
Qo‘shimcha imtiyozlar:
✔️✔️ Ilmiy daraja va/yoki ilmiy unvonli mutaxassislarga shart-sharoitlar yaratiladi va ish haqi bo‘yicha qo‘shimcha to‘lovlar amalga oshiriladi;
✔️✔️ Xorijiy oliy ta’lim muassasalarida o‘qigan nomzod O’zbekiston Respublikasi Prezidentining 2021-yil 13-iyuldagi “Yoshlarni har tomonlama qo‘llab-quvvatlash va ularning ijtimoiy faolligini yanada oshirishga oid qo‘shimcha chora-tadbirlar to‘g‘risida”gi PF-6260-sonli Farmoniga muvofiq yosh mutaxassislarga davlat budjeti mablag‘lari hisobidan qo‘shimcha haq to‘lanadi;
✔️✔️ Universitetda joriy qilingan KPI tizimi asosida 100 % gacha qo‘shimcha haq, shuningdek, universitetda joriy qilingan rag‘batlantiruvchi nizomiga muvofiq qo‘shimcha rag‘batlantirish choralari ko‘riladi;
✔️✔️ C1 darajadagi milliy yoki unga tenglashtirilgan mos darajadagi xalqaro tan olingan sertifikatga ega xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida davlat budjeti mablag‘lari hisobidan qo‘shimcha ustama haq to‘lanadi;
✔️✔️ Nofilologik yo‘nalishlardagi B2 yoki C1 darajadagi milliy yoki unga tenglashtirilgan mos darajadagi xalqaro tan olingan sertifikatga ega bo‘lgan kadrlarga ustuvorlik beriladi va qo‘shimcha rag‘batlantirish choralari ko‘riladi.
▶️ Nomzod bo‘sh (vakant) lavozimlarga tanlov o‘tkazish haqidagi e’londa ko‘rsatilgan lavozimlarning faqat bittasini tanlashi va tanlangan lavozim bo‘yicha tanlovda ishtirok etish mumkin. Nomzod bir vaqtning o‘zida boshqa e’londa ko‘rsatilgan lavozim bo‘yicha tanlovda ishtirok etish uchun hujjat topshirishi mumkin.
▶️ Tanlov o‘tkaziladigan kun, vaqt va joy haqida tanlov bo‘ladigan kundan kamida ikki kun oldin nomzodga Tizim orqali shaxsiy kabinetiga elektron xabarnoma yuboriladi.
▶️ Nomzod ishga kirish uchun hujjatlari o‘z vaqtida to‘liq tizimga biriktirilmaganda yoki bila turib soxta hujjatlar yoxud yolg‘on ma’lumotlar taqdim etilgan taqdirda nomzodning arizasi rad etiladi.
