10.04.2026

Buxoro davlat universiteti Iqtisodiyot va turizm fakulteti talabalari ota-onalari bilan uchrashuv tashkil etildi. Uchrashuv davomida ota-onalarga universitet va fakultet faoliyati, ta’lim jarayonida amalga oshirilayotgan yangiliklar haqida ma’lumot berildi.

Kun tartibiga ko‘ra, universitet hamda fakultet faoliyati, ta’lim jarayonida joriy etilgan kredit-modul tizimi, registrator ofisi faoliyati hamda O‘zbekiston Respublikasi Vazirlar Mahkamasining 2020-yil 31-dekabrdagi 824-son qarori, 2025-yil 10-martdagi 149-son qarori va 2025-yil 13-sentabrdagi 578-son qarorlarining mazmun-mohiyati haqida tushuntirishlar berildi.

Shuningdek, universitetning komplaens-nazorat bo‘limi tomonidan akademik halollik tamoyillari, profilaktika inspektorlari tomonidan esa talaba-yoshlar o‘rtasida huquqbuzarliklarning oldini olishga qaratilgan masalalar yuzasidan ma’lumotlar taqdim etildi.

Uchrashuv so'ngida o'zining tashabbuskorligi bilan fakultet hamda universitet ma'naviy-ma'rifiy ishlarida faol bo'lgan bir qator talaba-yoshlar ota-onalari tashakkurnoma bilan taqdirlandilar.