Buxoro davlat universiteti rektori O.X. Xamidovning 2025-yil 12-noyabrdagi 680-U-sonli buyrug‘i (universitetda 2025/2026-o‘quv yilida o‘tkaziladigan oraliq va yakuniy nazoratlar jarayonida talabalar bilimini adolatli va xolis baholanishini ta’minlash) ijrosi yuzasidan sirtqi ta’lim shaklida tahsil olayotgan talabalarning yakuniy nazoratlari shaffoflik, ochiqlik va tenglik tamoyillari asosida o‘tkazilishi o‘rganildi. Nazorat jarayonlarida akademik halollik me’yorlariga qat’iy rioya etilishi, ichki tartib-qoidalarning buzilmasligi ustidan doimiy nazorat olib borildi.
O‘rganishlar davomida akademik halollik tamoyillarini buzgan hamda universitetning ichki tartib-qoidalariga rioya qilmagan ayrim talabalar yakuniy nazoratlardan belgilangan tartibda chetlashtirildi.
