O‘zbekiston Respublikasi Prezidenti Shavkat Mirziyoev Oliy Majlisga Murojaatnomada “Korrupsiyaga qarshi kurashishda aholining barcha qatlamlari, eng yaxshi mutaxassislar jalb qilinmas ekan, jamiyatimizning barcha a’zolari, ta’bir joiz bo‘lsa, “halollik vaksinasi” bilan emlanmas ekan, o‘z oldimizga qo‘ygan yuksak marralarga erisha olmaymiz. Biz korrupsiyaning oqibatlari bilan kurashishdan uning barvaqt oldini olishga o‘tishimiz kerak”, deb ta’kidlab o‘tgan edi.
Ushbu davr mobaynida davlat rahbari tomonidan korrupsiyaga qarshi kurashish bo‘yicha qator islohotlar olib borildi hamda qator qaror va farmonlar imzolandi, «Korrupsiyaga qarshi kurashish agentligi» tuzildi. Zero, buning zamirida ushbu «illatga» qarshi kurashish butun davlat siyosati darajasida ekanligini ko‘rishimiz mumkin.
Yuqoridagi mavzuning bardavomligini saqlagan holda Ingliz tilshunosligi professor-o'qituvchilari ham jamiyatimizda korrupsiyani oldini olishga qaratilgan qator tadbirlar hamda davra suhbatlari o'tkazib kelmoqdalar. Bugun ham navbatdagi davra suhbati bo'lib o'tdi va unda "Halollik vaksinasi" xususida qizg'in suhbat o'tkazildi.
Korrupsiya shunday illatki, deya davom ettirdi kafedra mudiri Z.I.Rasulov, uni bir yoki ikki idoraning sa’y-harakati bilan yo‘q qilib bo‘lmaydi. Korrupsiyaga qarshi nafaqat huquqni muhofaza qiluvchi idoralar va davlat tashkilotlari, balki bu yo‘nalishda olib borilayotgan islohotlar fuqarolarimiz tomonidan ham faollik ko‘rsatilib, butun jamiyat unga qarshi birgalikda kurashib, uning ildizlarini yo‘q qilishga kirishilsagina ijobiy natijaga erishish mumkin.
Shundan keyin kafedra dotsenti X.Sh.Saidov “Halollik vaksinasi”ni yaratishda insonning baxt to‘g‘risidagi tushunchasini sog‘lomlashtirish muhim ahamiyatga ega ekanligini yana bir bor ta'kidlash lozimligiga to'xtaldi. Bunda insonning xulqini belgilaydigan narsa uning baxt to‘g‘risidagi tushunchasi ekanligidan kelib chiqilgan. Inson baxtliligining eng muhim sharti qo‘rquvsiz erkin yashash hissi va xotirjamligi ekanligi asoslab berilgan. Buni anglagan odamda korrupsiyaga qarshi antivirus shakllanishiga imkoniyat paydo bo‘ladi.
