Birlashgan Millatlar Tashkiloti Bosh Assambleyasining rezolyusiyasiga muvofiq, «9 dekabr – Butunjahon korrupsiyaga qarshi kurashish kuni» (International Day Against Corruption) sifatida nishonlab kelinmoqda. BuxDUda ushbu sana munosabati bilan dekabr oyida uchrashuvlar, konferensiyalar, seminarlar, tadbirlar o‘tkaziladi. BuxDU faollar yig`ingohida ham ushbu sana munosabati bilan tadbir o`tkazildi. BuxDU rektori Obidjon Xamidov ushbu sana bilan muborakbod etish asnosida O`zbekistonda korrupsiyaning oldini olishga qaratilgan amaliy ishlar xususida gapirib, tadbirni ochib berdi.
Tadbir davomida Korrupsiyaga qarshi kurashish "Komplaens nazorat" bo'limi tomonidan e'lon qilingan tanlovning “Eng yaxshi videorolik”, “Eng yaxshi maqola muallifi”, “Eng yaxshi audio nutq”, “Eng yaxshi chizma rasm (plakat)”, “Eng yaxshi banner”, “Eng yaxshi taqdimot" kabi yo`nalishlarida g`olib bo`lgan talabalar pul mukofoti bilan taqdirlanishdi.
