Fizika-matematika fakulteti 1-bosqich 1-1Fiz-23 hamda 1-2Fiz-23 guruh talabalari bilan "Oliy ta'limda korrupsiyaning ko'rinishlari" mavzusida davra-suhbati o'tkazildi.
Korrupsiyaga qarshi kurashish "Komplaens-nazorat" tizimini boshqarish bo'limi hamda Fizika-matematika fakulteti rahbariyati tomonidan o'zaro hamkorlikda o'tkazilgan davra-suhbatida talabalarga korrupsiya illatining salbiy oqibatlari, Oliy ta'lim tizimida korrupsiyaning ko'rinishlari, korrupsion jinoyat sodir etib jazolanganlar taqdiri, korrupsiyaga qarshi kurashishda xalqaro davlatlar tajribasi hamda talabalarning bilim olishi, bilimli, malakali kadrlar bo'lib yetishishi naqadar muhum ekanligi haqida so'z yuritildi.
Talabalar "Komplaens-nazorat" bo'limi va bo'lim huzuridagi "Talaba-yoshlar" klubi faoliyati bilan to'liq tanishtirildi. Bo'lim tomonidan tashkil etiladigan turli tanlov va tadbirlarda faol ishtirok etishga chorlandi.
Bahslarga boy o'tgan davra-suhbatida talabalar korrupsiyaning ko'rinishlari va oqibatlari bo'yicha o'zlarini qiziqtirgan barcha savollarga javob oldilar.
Bo'limga murojaat qilish imkoniyatini beruvchi ishonch telefonlari hamda elektron manzillari bilan tanishtirildi.
