Bugungi kunda korrupsiya muammosiga jahonning deyarli har bir mamlakatida duch kelish mumkin. Korrupsiya so‘nggi yillarda xalqaro miqyosda transmilliy jinoyat sifatida tomonidan keng muhokama qilinayotgan mavzulardan biridir. Taʼkidlash lozimki, korrupsiya keltiradigan zarar barcha davlatlar uchun teng sanalib, mazkur illat davlatning turli sohalariga, xususan siyosiy, iqtisodiy, ijtimoiy, madaniy jabhalarida amalga oshirilayotgan islohotlarga hamda mamlakatning xalqaro maydondagi imidji va investitsiyaviy jozibadorligiga salbiy taʼsir ko‘rsatadi. Davra suhbatida kafedra dotsenti S.Ro’ziyev - “Nepotizm — korrupsiyaning bir ko‘rinishi bo‘lib, siyosatda, ish, lavozimga erishishda, tadbirkorlik va boshqa sohalarda shaxslarning qobiliyati, bilimi, ma’lumotiga emas, balki urug‘-aymoqchilik, oshna-og‘aynichilikka yon bosish, qo‘llab-quvvatlash, sharoit yaratib berish shaklida namoyon bo‘ladi. Nepotizmning oldini olish uchun mansab, lavozimlarga tayinlashda ochiqlik – shaffoflik va jamoat nazoratini tashkil qilish hamda alohida hollarda kishilarga o‘qishga kirish, ijtimoiy, iqtisodiy, tadbirkorlik sohalarida imtiyozlar berishni kamaytirish, balki butunlay bekor qilish kabi choralar ko‘rilishi talab qilinadi” – deb o’z fiklarini bildirdilar. Muhokamalar davomida favoritizm mohiyati haqida so’z bordi. Favoritizm – OTM da faoliyat olib borayotgan professor-xodimlari boshqa shaxs yoki shaxslar guruhi manfaatlariga qaraganda bitta shaxs yoki shaxslar guruhi manfaatlariga ustuvor ahamiyat qaratishi, OTMda kadrlarni tanlash va joylashtirish, lavozimini ko‘tarish, mukofot puli berish va davlat mukofotlariga tavsiya etish, ta’til berish yoki sihatgohlar va xorijiy safarlarga yuborish, murojaatlar, shuningdek ish va navbatchilik jadvallarini ko‘rib chiqishda ketmaketlikni yo‘lga qo‘yish bilan bog‘liq vaziyatlarda tartiblarga rioya qilmaslik tushuniladi.
