Korrupsiyaga qarshi kurash dunyo miqyosida bugungi kunning eng dolzarb masalalaridan bir bo'lib qolmoqda. Bu illatga qarshi kurash dunyoning ko'plab mamlakatlarini qamrab olmoqda. Oʼzbekiston Respublikasi ham korrupsiyaga qarshi kurashga o'z hissasini qo'shib kelmoqda. Hozirgi paytda respublikamizda korrupsiyaga qarshi kurash doirasida bir qator dasturlar qabul qilindi va ular bo'yicha keng qamrovli ishlar amalga oshirilib kelinmoqda. Xususan, keyingi yillarda mamlakatimizda korrupsiyaga qarshi kurashish sohasida muhim tashkiliy-huquqiy islohotlar amalga oshirildi. Aholining huquqiy ongi va huquqiy madaniyatini oshirishga, jamiyatda korrupsiyaga murosasiz munosabatni shakllantirishga yo'naltirilgan tizimli choralar ko'rildi.
Bu borada O‘zbekiston Respublikasining 2017-yil 3-yanvar kunida qabul qilingan "Korrupsiyaga qarshi kurash to'g'risida"gi Qonuni hamda O'zbekiston Respublikasi Prezidentining 2019-yil 27-maydagi "O'zbekiston Respublikasida Korrupsiyaga qarshi kurashish tizimini yanada takomillashtirish chora-tadbirlari to'g'risida"gi Farmoni imzolandi. Hujjat korrupsiyaga qarshi kurashish tizimi samaradorligini oshirish, eng yuqori darajadagi qulay ishbilarmonlik muhitini yaratish, mamlakatning xalqaro maydondagi ijobiy obro'-e'tiborini oshirishga qaratilganligi shu bilan bir qatorda Farmonlar bilan korrupsiyaga qarshi kurashish davlat dasturi qabul qilingan.
Ushbu dastur doirasida bugungi kunda mamlakatimizda korrupsiya ko'rinishlarining sabab va shart-sharoitlarini bartaraf etish bo'yicha hamda korrupsiyaga qarshi kurashish tizimi samaradorligini oshirishga alohida e'tibor qaratilgan.
Buxoro davlat universiteti Jismoniy madaniyat fakulteti talaba-yoshlari ishtirokida "Korrupsiyaga qarshi kurashish" mavzusida davra suhbati tashkil etildi. Unda universitet Korrupsiyaga qarshi kurashish "Komplaens-nazorat" tizimini boshqarish bo'limi boshlig'i Y.Quliyev, birinchi prorektor A.Amonov, tegishli tashkilot xodimlari, fakultet dekani o'rinbosarlari, tyutorlar hamda talabalar ishtirok etishdi.
Tadbirni Korrupsiyaga qarshi kurashish "Komplaens-nazorat" tizimini boshqarish bo'limi boshlig'i Y.Quliyev oliy ta'lim tizimi yutuqlari, hozirgi paytga kelib korrupsiyaga qarshi kurashish naqadar muhumligi haqidagi kirish so'zi bilan ochib berdi. Shuningdek, tadbir davomida oliy ta'limda korrupsiyaning ko'rinishlari, korrupsion holatlar sodir etilishi ehtimoli mavjud yo'nalishlar, korrupsion xavf-xatarlarni aniqlash va ularni baholash, korrupsion huquqbuzarlik sodir etilishi va uning oqibatlari, korrupsion jinoyat uchun jazo muqarrarligi va jazo turlari haqida aytib o'tildi. Tadbir so'ngida talabalar o'zlarini qiziqtirgan savollarga atroflicha javoblar olishdi hamda ularga o'quv jarayonida shu kabi muammolar sodir bo'lganda murojaat qilish uchun telegram bot manzili va ishonch telefon raqamlari berildi.
