Buxoro davlat universiteti Fizika va matematika fakulteti “Matematik analiz” kafedrasida kafedra professor-o'qituvchilari tomonidan “Ogoh bo‘ling! Biz korrupsiyaga qarshimiz!” mavzusidagi davra suxbati o'tkazildi. “Matematik analiz” kafedrasi dotsenti H.R.Rasulov so’zga chiqib, Korrupsiya jamiyat hayoti uchun tahdid soluvchi salbiy omil ekanini aytib berdi.Korrupsiya har qanday davlat va jamiyatning barcha sohalari rivojlanishiga jiddiy putur yetkazadi, tarqqiyotni sekinlashtiradi, davlatni ich-ichidan yemirib boradi, xalqni xonavayron etadi, huquq va manfaatlar buzilishiga sabab bo'ladi. Bugungi kunda butun jahon miqyosida ushbu jinoyatga qarshi kurashish eng dolzarb masalalardan biriga aylangan.
Ayni paytda mamlakatimizda korrupsiyaga qarshi kurashishning barcha huquqiy asoslari yaratilgan. Bu borada har birimizdan hushyorlik va mas'uliyatlilik talab etiladi. Kafedra professor-o'qituvchilari so’zga chiqib, korrupsiya uzoq tarixga ega. Shu o'rinda ta'kidlash lozimki, fuqarolarimizning faolligi kuzatilmasa, korrupsiya huqubuzarliklari, tamagirlik kabi holatlar haqida tegishli davlat idoralarini ogohlantirmasa, xabar bermasa ushbu illatdan butunlay qutilishning iloji yo'q. Korrupsiyaga qo'l urish natijasida ayrim g'arazli maqsadga ega shaxslarning bu kabi illati sababli halol va o'z mehnat faoliyatiga sodiqlik bilan sidqidildan xizmat qilib kelayotgan xodimlarning ham nomiga dog' tushishi achinarli holatlardan yana biri ekanligini aytib o’tdilar, bahs-munozaralar olib bordilar.
