Davra suhbatida BuxDU korrupsiyaga qarshi kurashish “Komplaens-nazorat” tizimini boshqarish bo`limi boshlig`i Quliyev Yorqin Karimovich, bo`lim mutaxassisi Barotov Umidjonlar bugungi kunda korrupsiya muammosiga jahonning deyarli har bir mamlakatida duch kelayotganini, korrupsiya so‘nggi yillarda xalqaro miqyosda transmilliy jinoyat sifatida keng muhokama qilinayotganligini ta'kidladilar. Shuningdek, korrupsiya keltiradigan zarar barcha davlatlar uchun teng sanalib, mazkur illat davlatning turli sohalariga, xususan siyosiy, iqtisodiy, ijtimoiy, madaniy jabhalarida amalga oshirilayotgan islohotlarga hamda mamlakatning xalqaro maydondagi imidji va investitsiyaviy jozibadorligiga salbiy taʼsir ko‘rsatishini aytib o`tdilar.
Yurtboshimizning quyidagi fiklarini barcha professor-o`qituvchilar, xodimlar va talabalar e`tiborga olishlari va amalda o`z ifodasini topishi kerakligini ta`kidladilar:
O‘zbekiston Respublikasi Prezidenti Sh.M.Mirziyoyevning 2020-yil 24-yanvar kuni O‘zbekiston Respublikasi Oliy Majlisiga qilgan Murojaatnomasida taʼkidlaganidek, “Jamiyatimizda korrupsiya illati o‘zining turli ko‘rinishlari bilan taraqqiyotimizga g‘ov bo‘lmoqda. Bu yovuz baloning oldini olmasak, haqiqiy ishbilarmonlik va investitsiya muhitini yaratib bo‘lmaydi, umuman, jamiyatning birorta tarmog‘i rivojlanmaydi”.
