Bugun “Axborot tizimlari va raqamli texnologiyalar” kafedrasi professor o`qituvchilari tomonidan “Jamiyatda poraxo‘rlikni oldini olish” mavzusida tadbir tashkil etildi. Tadbirni kafedra kata o`qituvchisi G.Bo`ronova boshlab berdi: Bugungi kunda dunyo hamjamiyatini tashvishga solayotgan korrupsiya illati azaldan davlat va jamiyat ravnaqiga to‘sqinlik qilib kelayotgan omillardan biri hisoblanadi. Korrupsiya va poraxo‘rlik. Bu ikki so‘zlar zamirida mansabdor shaxsning o‘z kasbidan shaxsiy boyish maqsadida foydalanishi hamda berilgan huquq va vakolatlarini suiste’mol qilishi bilan bog‘liq bo‘lgan amaliyot tushuniladi.
Mamlakatimizda korrupsiyaga qarshi kurashish borasida keng ko‘lamli ishlar amalga oshirilmoqda. Shu munosabat bilan joylarda davra suhbatlari hamda uchrashuvlar tashkil etib borilmoqda.
Ana shunday tadbirlar doirasida “Axborot tizimlari va raqamli texnologiyalar” kafedrasi professor –o‘qituvchilari boshchiligida Buxoro shahar IIOFMB 1 son IIB XPB profilaktika inspektori mayyor Sh Qurbonov ishtirokida «Jamiyatda poraxo‘rlikni oldini olish» mavzusida ma’naviy- ma’rifiy tadbir bo‘lib o‘tdi.
Tadbirda Buxoro Buxoro shahar IIOFMB 1 son IIB XPB profilaktika inspektori mayyor Sh Qurbonov o‘z ma`ruzasi bilan ishtirok etdi.
Mas’ul xodim ishtirokchilarga korrupsiyaning oqibatlari, uni keltirib chiqaradigan omillar va bartaraf etish bo‘yicha dinimiz tomonidan aytilgan hadislar orqali tushunchalar berib o‘tdi. Bunda har bir xodim o‘zgarishni jamiyatdan emas, balki, o‘zidan boshlab, bu illatga qarshi kurashda o‘z hissasini qo‘shishi muhim ekanligi ta’kidlab o‘tildi. Xulosa o‘rnida shuni aytishimiz mumkinki, korrupsiya murakkab ijtimoiy hodisa bo‘lib, unga qarshi kurashish uchun alohida choralarni qo‘llash samarali hisoblanmaydi, korrupsiyaga qarshi kurashish davlat va jamiyatning o‘zaro jipsligi talab etiladi. Bunga qarshi kurashishda esa avvalo aholining huquqiy ongini oshirish va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish muhim hisoblanadi.
