Korrupsiya bu – mansab mavqeidan shaxsiy maqsadlarda foydalanish bilan bog‘liq bo‘lgan jinoyat turi hisoblanadi. Darhaqiqat, jinoyatni jazolashdan ko‘ra, uni oldini olish singari profilaktik tadbirlarning yo‘lga qo‘yilishi qay darajada oqilonaligi allaqachon isbotlangan. Ayni shu maqsadda San'atshunoslik fakulteti 12- 1 muz 20 hamda 12-6 muz 20 guruh talabalari ishtirokida “Korrupsiyaga qarshi birga kurashamiz” mavzusida suhbat bo‘lib o‘tdi.
O‘tkazilgan suhbatda tyutor S.Latipova tomonidan ishtirokchilarga korrupsiyaga qarshi kurash borasida amalga oshirilayotgan ishlar to‘g‘risida ma'lumot berilib, korrupsiya bilan bog‘liq qonunbuzarlik holatlariga yo‘l qo‘ymaslik yuzasidan tegishli taklif va tavsiyalar aytib o‘tildi.
Tadbirdan ko‘zlangan maqsad fakultetda intizomni mustahkamlash, huquqbuzarliklar va qonun buzilish holatlarini oldini olish, talabalar huquqiy ongi va madaniyatini oshirish, shuningdek, korrupsiya holatlarining oldini olishdan iborat bo‘ldi. Shuni aytish joizki bunday illatni oldini olish va unga qarshi kurashda birgalikdagi harakatigina samarali natijalarga erishishning eng maqbul yo‘li bo‘lib hisoblanadi.
