Axborot texnologiyalari fakultetida tahsil oluvchi talabalar bilan "Biz ta'limda korrupsiyaga qarshimiz" mavzusida profilaktik tadbir o'tkazildi. Tadbirda fakultet tyutori M.S. Xojiyeva, fakultetning "Amaliy matematika va dasturlash texnologiyalari" kafedra o'qituvchisi K.Qobilov hamda fakultetning "Kompyuter ilmlari va dasturlash texnologiyalari" yo'nalishida tahsil olayotgan 2-bosqich talabalari ishtirok etishdi.
Jamiyatda va Oliy ta'limda korrupsiyaning ko'rinishlari, korrupsion huquqbuzarlik sodir etilishiga sabab bo'luvchi omillar va ularning oqibatlari, javobgarlikka tortilish, pora berish, pora olish, pora olishda o'rtakashlik qilish, "Jinoyat kodeksi"ning 210, 211 va 212- moddalarida keltirilgan sabablar tushuntirildi.
